सूत्राने या पोर्टलला सांगितले की, नीना यांना डेंग्यूची लागण झाली आहे. त्यामुळे त्या सध्या टीमसोबत शूटिंग करीत नसून डॉक्टरांच्या सल्ल्यानुसार आराम करीत आहेत. नीना ‘ये हैं मोहब्बते’ या मालिकेत दिव्यांका त्रिपाठीच्या आईची भूमिका साकारत आहेत. मालिकेत नीना यांचे नाव माधवी विश्वनाथन असे आहे. दरम्यान, नीना यांच्या अगोदर हास्य कलाकार सुनील ग्रोवर, ‘इश्कबाज’ची अभिनेत्री श्रेनु पारीख, हीना परमार यांनाही डेंग्यूची लागण झाली होती.
‘ये हैं मोहब्बते’विषयी सांगायचे झाल्यास, सध्या भल्ला परिवारात घमासान बघावयास मिळत आहे. रमन भल्ला आणि शगुन या दोघांमधील एक सत्य रुहीला समजले आहे. त्यामुळे याच विषयावरून रुही काहीतरी हंगामा करण्याची शक्यता आहे. वास्तविक शगुन आणि रमन एका मुलीला पैसे देऊन निखिलला बदनाम करण्याचे प्लॅनिंग करतात. यानंतर रुहीच्या मनात निखिलप्रती द्वेष निर्माण होतो. आता हे बघणे मजेशीर ठरणार की, रुही यावर तिची भूमिका कशी मांडणार?