लोकप्रिय सिंगिंग रिएलिटी शो इंडियन आयडॉल अंतिम टप्प्यात पोहचला असून आज या शोचा अंतिम सोहळा पार पडणार आहे. या शोचा विजेत्याची घोषणा करण्यात येणार आहे. या शोचा ग्रॅण्ड फिनाले सलग १२ तास चालणार आहे. या शोच्या अंतिम सोहळ्याचे टॉप ६ फायनलिस्टमध्ये चुरशीची लढत पहायला मिळणार आहे. यात पवनदीप राजन, अरूणिता कांजीलाल, मोहम्मद दानिश, सायली कांबळे, निहाल तौरो आणि शनमुख प्रिया यांचा समावेश आहे.
इंडियन आयडॉलच्या अंतिम सोहळ्यात तब्बल १२ सेलिब्रेटी हजेरी लावणार आहेत. शेरशाह चित्रपटाचे प्रमोशन करणार आहे. इतकेच नाही तर कुमार सानू, मिका सिंग, जावेद अली, अलका याग्निक, उदित नारायण, सलमान अली आणि सनी हिंदुस्तानी दिसणार आहे. सूत्रांच्या माहितीनुसार, विजय देवरकोंडादेखील हजेरी लावणार आहे. त्याच्या बिझी शेड्युलमुळे तो तिथे उपस्थित असणार नाही पण तो व्हिडीओ कॉलमधून हजेरी लावणार आहे.
टेली चक्करच्या रिपोर्टनुसार, साउथचा मेगास्टार चिरंजीवीदेखील हजेरी लावणार आहे. तर द ग्रेटी खलीदेखील या शोच्या अंतिम सोहळ्याला हजेरी लावणार असल्याचे समजते आहे.
इंडियन आयडॉलच्या १२ व्या सीझनचा अंतिम सोहळा तब्बल १२ तास चालणार आहे. प्रेक्षक या वादग्रस्त आणि चर्चेत आलेल्या १२व्या सीझनचा विजेता कोण ठरणार आहे, हे जाणून घेण्यासाठी खूप उत्सुक आहे.