‘बिग बॉस 15’ (Bigg Boss 15) येणार म्हटल्यावर प्रेक्षकांची उत्सुकता शिगेला पोहोचली आहे. पण अशात ओटीटीवर हा शो करण जोहर (Karan Johar) होस्ट करणार असल्याची बातमी आली आणि सोशल मीडियावर पुन्हा ‘राडा’ सुरू झाला. ओटीटीवर करण जोहर हा शो होस्ट (Bigg Boss new host) करणार हे ऐकताच अनेक चाहते संतापले आणि त्यांनी करणला ट्रोल करायला सुरूवात केली. काहींनी करण जोहर हा शो होस्ट करणार म्हटल्यावर आनंद व्यक्त केला. पण अनेकांनी याबद्दल नाराजी व्यक्त केली. अनेकांनी तर करण जोहर हा शो होस्ट करणार असेल तर आम्ही ‘बिग बॉस 15’वर बहिष्कार टाकू, असा थेट इशाराच दिला. अनेकांनी ओटीटीवर ‘बिग बॉस 15’ सिद्धार्थ शुक्लानं होस्ट करावा, अशी मागणी लावून धरली.
अशात सोशल मीडियावर करण जोहरला ट्रोल करतानाचे भन्नाट मीम्स व्हायरल झालेत. करण जोहर बिग बॉस ओटीटी होस्ट करत असेल तर याची अवस्था रणबीर कपूरच्या ‘बॉम्बे वेल्वेट’पेक्षाही वाईट होईल, असं एका युजरनं लिहिलं. तर मुव्ही माफिया करण जोहरला आता शो सुद्धा मिळू लागले, असं म्हणत एका युजरनं आपली नाराजी व्यक्त केली. करण जोहरपेक्षा रोहित शेट्टीला होस्ट बनायचं असतं, अशी कमेंट एका युजरनं केली.