‘बिग बॉस 14’ हा रिअ‍ॅलिटी शो सध्या अखेरच्या टप्प्यात आहेत. फिनालेला काही दिवस उरले असतानाच बिग बॉसच्या घरातील स्पर्धक रूबीना दिलैक आणि कविता कौशिक यांच्यात कडाक्याचे भांडण झाले. दोघींमधील वाद इतकात विकोपाला गेले की, कविता थेट बिग बॉसच्या घराबाहेर पडली. कविता बिग बॉसच्या घराबाहेर पडताच, तिचा पती रोनित बिस्वासने काही शॉकिंग खुलासे केले आहेत. हे खुलासे कोणाबद्दल तर रूबीनाचा पती अभिनव शुक्लाबद्दल.होय, रोनितने काही ट्वीट केलेत. या ट्वीट्समध्ये त्याने अभिनवचे थेट नाव घेतले नाही. पण त्याचा इशारा अभिनवकडे आहे, हे स्पष्ट आहे.
पहिल्या ट्वीटमध्ये त्याने लिहिले, ‘मी आता येथे सत्य सांगतोय. तो इतका जेंटलमॅन पण नाहीये. मी ज्याच्याबद्दल बोलतोय, त्याला अल्कोहोलचे प्रचंड व्यसन आहे. दारूच्या नशेत तर्र होऊन तो कविता कौशिकला रात्रभर मॅसेज करायचा. माझ्याशी बोल म्हणत त्रास द्यायचा आणि चुकीच्या वेळी भेटायला बोलवायचा. तो तिला इतका त्रास द्यायचा की, अनेकदा तिने पोलिसांनाही बोलावले आहे.’
Bigg Boss 14: या सीझनमधील दुसऱ्या फायनलिस्टचे नाव आले समोर, एजाज खानला देणार टक्कर
अलीच्या विरहात जास्मीन भसीन रात्रभर रडली अन् कोरोना टेस्ट करावी लागली!!
एका टास्कमध्ये अलीने बिग बॉसने दिलेल्या बॉक्सला लाथ मारल्यामुळे कविताचा राग अनावर झाला होता. अशा हिंसक वातावरणात मी घरात राहू शकत नाही,असे कॅमे-यापुढे म्हणत कविनाने पुढे टास्क करण्यास नकार दिला होता. यादरम्यान कविताने रूबीनासमक्ष अभिनवबद्दल एक खुलासा केला होता. अभिनव आणि मी फ्रेंड्स विथ बेनिफिट होतो, असे ती म्हणाली होती. हे ऐकून घरातील इतर सदस्यांना धक्का बसला होता. यावरून अभिनव आणि रूबीनामध्ये वाद झाला होता.