सुपरस्टार रजनीकांत हे दिग्गज अभिनेत्यांपैकी एक आहेत. आज १२ डिसेंबर रोजी रजनीकांत आपला ७५ वा वाढदिवस साजरा करत आहे. या खास प्रसंगी देशभरातील चाहते आणि सेलिब्रिटी त्यांच्यावर शुभेच्छांचा वर्षाव करत आहेत. रजनीकांत यांच्यासाठी धनुषने खास पोस्ट शेअर केली आहे. धनुष हा रजनीकांत यांची मुलगी ऐश्वर्याचा पूर्वाश्रमीचा नवरा आहे. 'सासरा-जावई' हे नातं संपुष्टात आलेलं असलं तरी रजनीकांत यांच्याप्रती धनुषच्या मनात असलेला आदर मात्र टिकून असल्याचं दिसलं.
धनुषने एक्स प्लॅटफॉर्मवर पोस्ट शेअर करत रजनीकांत यांना वाढदिवसाच्या शुभेच्छा दिल्या. त्याने "हॅपी बर्थडे थलैवा" असं लिहलं. त्यासोबत हार्ट इमोजी आणि हात जोडण्याची इमोजी वापरून रजनीकांत यांच्याप्रती असलेलं प्रेम व्यक्त केलं.
२००४ मध्ये धनुषने रजनीकांत यांची मुलगी ऐश्वर्या रजनीकांत यांच्याशी विवाह केला होता. त्यावेळी धनुषचं वय केवळ २१ वर्षं होतं. ऐश्वर्या धनुषपेक्षा २ वर्षांनी मोठी होती. दोघांनी १८ वर्ष संसार केला. परंतु १८ वर्षांच्या संसारानंतर २०२४ मध्ये या दोघांचा घटस्फोट झाला. त्यांना यात्रा आणि लिंगा अशी दोन मुलं आहेत.
Web Summary : Dhanush wished Rajinikanth, his ex-father-in-law, a happy 75th birthday. Despite their changed relationship after his divorce from Aishwarya, Dhanush expressed his continued respect and affection for the superstar with a heartfelt message.
Web Summary : धनुष ने अपने पूर्व ससुर रजनीकांत को उनके 75वें जन्मदिन पर बधाई दी। ऐश्वर्या से तलाक के बाद रिश्ते बदलने के बावजूद, धनुष ने सुपरस्टार के प्रति सम्मान और स्नेह व्यक्त किया।