साऊथ सुपरस्टार थलपती विजयच्या तामिळनाडूतील मोठ्या विजयनंतर आता त्याचा शेवटचा सिनेमा 'जन नायकन'च्या प्रदर्शनाचा अडथळाही दूर झाला आहे. 'जन नायकन' लवकरच प्रेक्षकांच्या भेटीला येणार असून आता काहीच काळ थलपती विजयच्या चाहत्यांना वाट पाहावी लागणार आहे. येत्या जून महिन्यात 'जन नायकन' सिनेमा प्रदर्शित होण्याची शक्यता आहे.
मीडिया रिपोर्टनुसार, थलपती विजयचा 'जन नायकन' सिनेमा २२ जून २०२६ रोजी प्रदर्शित होणार आहे. २२ जूनला थलपती विजयचा वाढदिवस असतो. त्याच्या वाढदिवसाचा मुहुर्त साधत अभिनेत्याचा शेवटचा सिनेमा रिलीज करण्यात येणार असल्याची चर्चा आहे. पण, अद्याप याबाबत कोणतीही ऑफिशियल माहिती देण्यात आलेली नाही.
थलपती विजयने 'तमिळगा वेत्री कळघम' (TVK) पक्ष स्थापन करत राजकारणात एन्ट्री घेतली आणि अभिनयाला रामराम केला. 'जन नायकन' हा थलपती विजयचा शेवटचा सिनेमा आहे. सेन्सॉर बोर्डाच्या (CBFC) प्रमाणपत्रामुळे सिनेमा वादाच्या भोवऱ्यात अडकला होता. 'जन नायकन' हा एक पॉलिटिकल थ्रिलर असून थलपती विजय मुख्य भूमिकेत आहे. एच. विनोथ यांनी या सिनेमाचं दिग्दर्शन केलं असून पूजा हेगडे, बॉबी देओल, प्रकाश राज आणि ममिता बैजू यांच्या भूमिका आहेत.
Web Summary : Thalapathy Vijay's last film, 'Jan Nayakan,' is likely to release in June 2026, coinciding with his birthday. The political thriller faced hurdles but is now set for release after Vijay's political entry.
Web Summary : थलपति विजय की आखिरी फिल्म, 'जन नायकान', जून 2026 में रिलीज होने की संभावना है, जो उनके जन्मदिन के साथ मेल खाती है। राजनीतिक थ्रिलर को बाधाओं का सामना करना पड़ा लेकिन अब विजय के राजनीतिक प्रवेश के बाद रिलीज के लिए तैयार है।