मनोरंजनविश्वात अनेक कलाकारांनी गेल्या काही दिवसात गुडन्यूज दिली आहे. कोणी लग्न केलं तर कोणी आईबाबा झाले आहेत. कॉमेडियन अबिश मॅथ्यूची पहिली पत्नी मल्याळम अभिनेत्री अर्चना कवीने गुपचूप दुसरं लग्न केलं आहे. रिक वर्गीससोबत तिने ख्रिश्चन पद्धतीने विवाह केला. सोशल मीडियावर त्यांच्या लग्नाचे फोटो व्हायरल झाले आहेत. अर्चना रिकसोबत खूपच खूश दिसत आहे.
टीव्ही अँकर धान्या वर्माने मैत्रीण अर्चना कवीसाठी पोस्ट लिहिली. तिने अर्चना आणि रिकच्या लग्नाचे फोटो पोस्ट करत लिहिले, '...आणि माझ्या डार्लिंगचं लग्न झालं. अर्चना कवी आणि रिक वर्गीस'.
गुलाबी रंगाच्या साडीत अर्चना खूपच सुंदर दिसत आहे. तिने डोक्यावरुन पदर घेतला आहे. तर नाजूक ज्वेलरीही घातली आहे. तसंच डार्क रंगाच्या सूट बूटमध्ये रिक हँडसम दिसत आहे. लग्नानंतरचं त्यांचं फोटोशूट सोशल मीडियावर व्हायरल होत आहे.
अर्चना कवीने 'नीलथमारा' या सिनेमातून अभिनयाला सुरुवात केली. २००९ साली हा सिनेमा आला होता. 'ममी अँड मी','सॉल्ट एन पेपर','बेस्ट ऑफ लक','अरावन' अशा सिनेमांमध्ये ती दिसली. २०१५ साली तिने कॉमेडियन अबिश मॅथ्यूशी लग्न केलं. काही मतभेदांमुळे त्यांनी २०२१ साली घटस्फोट घेतला होता.
Web Summary : Malayalam actress Archana Kavi, ex-wife of Abish Mathew, secretly remarried Rick Varghese in a Christian ceremony. TV anchor Dhanya Varma shared photos of the happy couple. Archana looked beautiful in a pink saree, while Rick looked handsome in a suit.
Web Summary : मलयालम अभिनेत्री अर्चना कवि, अबिश मैथ्यू की पूर्व पत्नी, ने चुपचाप रिक वर्गीस से क्रिश्चियन रीति से दूसरी शादी कर ली। टीवी एंकर धान्या वर्मा ने जोड़े की तस्वीरें साझा कीं। गुलाबी साड़ी में अर्चना बेहद खूबसूरत लग रही थीं, जबकि रिक सूट में डैशिंग दिख रहे थे।