आईस्क्रीम खायला कुणाला आवडत नाही? लहानांपासून मोठ्यांपर्यंत आईस्क्रिमचे अनेक दिवाने आहेत. कधीकधी आईस्क्रीमशी संबंधित व्हिडिओ देखील सोशल मीडियावर व्हायरल होतात, जे खूपच मजेदार असतात. असाच एक व्हिडीओ आता समोर आला आहे. जो मराठी अभिनेता संकर्षण कऱ्हाडे याचा आहे. नुकतंच सकंर्षण हा कतारला गेला होता. तिथला एक मजेशीर व्हिडीओ त्याने चाहत्यांसोबत शेअर केला आहे.
संकर्षणचा हा व्हिडीओ सध्या खूप व्हायरल होत आहे, ज्यामध्ये संकर्षण कऱ्हाडे आईस्क्रीम घेण्यासाठी गेला होता, पण आईस्क्रीमवाला त्याच्यासोबत प्रँक करायला लागला. इतका मजेशीर आहे की, तो पाहिल्यानंतर तुम्हाला हसू येईल. हा व्हिडीओ खुद्द संकर्षणने त्याच्या इन्स्टा स्टोरीवर शेअर केला आहे. आईस्क्रीम घेताना संकर्षणची किती तारांबळ उडाल्याचे दिसून येते आहे.