'या सुखांनो या'मधील कस्तुरी आठवते का? अक्षय कुमारच्या 'सूर्यवंशी'मध्ये साकारलीये महत्त्वपूर्ण भूमिका

1 / 13

एकेकाळी छोट्या पडद्यावर तुफान गाजलेली मालिका म्हणजे 'या सुखांनो या'. या मालिकेतील प्रत्येक कलाकाराने उत्तम अभिनयशैलीच्या जोरावर प्रेक्षकांच्या मनात हक्काचं स्थान निर्माण केलं.

2 / 13

उत्तम कथानक आणि त्याला साजेसा कलाकारांचा अभिनय यामुळे लोकप्रिय ठरलेली ही मालिका आजही प्रेक्षकांच्या स्मरणात आहे.

3 / 13

या सुखांनो या मालिकेत विक्रम गोखले, शर्वरी लोहकरे, ऐश्वर्या नारकर, राजन भिसे असे अनेक दिग्गज कलाकार झळकले.

4 / 13

या मालिकेत झळकलेल्या कलाकारांमध्ये आज कमालीचा बदल झाला आहे. त्यामुळेच या मालिकेत महत्त्वपूर्ण भूमिका साकारलेल्या शर्वरी लोहकरेविषयी जाणून घेऊयात.

5 / 13

'या सुखांनो या' मालिकेत शर्वरीने कस्तुरी ही भूमिका साकारली होती. ही भूमिका त्याकाळी तुफान गाजली. विशेष म्हणजे आजही अनेक जण शर्वरीला कस्तुरी याच नावाने ओळखतात.

6 / 13

कॉलेजच्या शेवटच्या वर्षात असतांना शर्वरीला ही भूमिका ऑफर झाली होती.

7 / 13

या भूमिकेमुळे शर्वरी घराघरात पोहोचली. विशेष म्हणजे या मालिकेनंतर शर्वरी अनेक मालिका, चित्रपट आणि नाटकांमध्ये झळकली आहे.

8 / 13

अलिकडेच प्रदर्शित झालेल्या 'सूर्यवंशी' या चित्रपटातही शर्वरी झळकली आहे. या चित्रपटात तिने अक्षय कुमार आणि कतरिनासोबत स्क्रीन शेअर केली आहे.

9 / 13

'सूर्यवंशी'मध्ये शर्वरीने, वंदना तांबे ही भूमिका साकारली आहे. सूर्यवंशी हा तिचा पहिलाच चित्रपट असून उत्तम अभिनयशैलीच्या जोरावर तिने हिंदी प्रेक्षकांच्या मनावरही आपल्या अभिनयाची छाप सोडली.

10 / 13

सूर्यवंशीनंतर शर्वरी लवकरच एका नव्या मालिकेत झळकणार असल्याचं सांगण्यात येत आहे.

11 / 13

सोशल मीडियावर सक्रीय असलेली शर्वरी अनेकदा तिच्या नव्या मालिका, चित्रपटांचे अपडेट्स चाहत्यांसोबत शेअर करत असते.

12 / 13

शर्वरीमध्ये आज कमालीचा बदल झाला असून तिला पटकन ओळखणं देखील कठीण आहे.

13 / 13

शर्वरीला फिरण्याची प्रचंड आवड असून ती अनेकदा नवनवीन ठिकाणांना भेट देत असते.