By ऑनलाइन लोकमत | Updated: July 31, 2025 12:43 IST
1 / 9सिनेइंडस्ट्रीत कास्टिंग काउचची समस्या खूप मोठी आहे. यावर दररोज वादविवाद होतात. त्याचवेळी, छोट्या पडद्यापासून मोठ्या पडद्यापर्यंत आपली छाप सोडणाऱ्या अभिनेत्री इंदिरा कृष्णनने आता कास्टिंग काउचवर आपले मौन सोडले आहे. तिने अलीकडेच सांगितले की ती देखील कास्टिंग काउचची बळी पडली आहे.2 / 9इंदिरा म्हणाली की, ती एकदा नाही तर अनेक वेळा कास्टिंग काउचची बळी पडली आहे, परंतु तिने तिच्याशी गैरवर्तन करणाऱ्या व्यक्तीला फक्त एका शब्दात गप्प केले. बॉलिवूड तसेच दक्षिण चित्रपटसृष्टीत काम करणाऱ्या इंदिरा कृष्णनने बॉलिवूड बबलला दिलेल्या मुलाखतीत तिचा कास्टिंग काउचचा अनुभव शेअर केला.3 / 9ती म्हणाली, ''मला हे एकदा नाही तर अनेक वेळा जाणवले आहे. विशेषतः दक्षिण चित्रपटसृष्टीत अशा गोष्टी जास्त घडतात. एकदा एका मोठ्या निर्मात्याने मला एका मोठ्या प्रोजेक्टसाठी निवडले होते. पण शेवटच्या क्षणी, एका छोट्याशा गोष्टीवरून मला काढून टाकण्यात आले. एक ओळ, एक विधान आणि सर्व काही संपले.''4 / 9इंदिराने पुढे सांगितले की, ''मला वाटले की आता हा प्रोजेक्ट माझ्या हातातून गेला आहे. मी घरी पोहोचलो आणि त्या व्यक्तीला मेसेज केला कारण तो माझ्याशी ज्या पद्धतीने बोलत होता, त्याची देहबोली, त्याच्या अपेक्षा खूप जास्त होत्या. तसेच, त्याचा दबाव वाढत होता. मला वाटले की मी ही परिस्थिती हाताळू शकणार नाही.''5 / 9ती पुढे म्हणाली, ''जर उद्या शूटिंग सुरू झाले आणि हे नाते बिघडले तर? म्हणून मी त्याला खूप धीराने मेसेज केला. मी त्याला स्पष्टपणे सांगितले की मी इथे माझे टॅलेंट विकण्यासाठी आली आहे, स्वतःला नाही. हे शब्द थोडे कठोर वाटतील, पण मला वाटते की योग्य वेळी स्पष्टपणे बोलणे महत्वाचे आहे.''6 / 9इतकेच नाही तर, इंदिराने असेही सांगितले की, ''कास्टिंग काउचमुळे अनेक चांगले प्रोजेक्ट्सही तिच्या हातातून निसटले आणि त्यामुळेच तिने चित्रपटसृष्टीपासून स्वतःला दूर केले आणि नंतर टीव्ही इंडस्ट्रीत काम करण्याचा निर्णय घेतला.' 7 / 9इंदिराने असेही म्हटले की, ''ती छोट्या पडद्यावर तिची प्रतिभा अधिक चांगल्या प्रकारे दाखवू शकली.''8 / 9ती म्हणाली, ''टीव्ही इंडस्ट्रीत मला आदर मिळाला. हो, टीव्ही इंडस्ट्रीतही अशा गोष्टी घडतात, पण कधी ना कधी सर्वांनाच त्याचा सामना करावा लागतो.''9 / 9वर्कफ्रंटबद्दल सांगायचं तर इंदिरा कृष्णन लवकरच रणबीर कपूरच्या बहुप्रतिक्षित चित्रपट 'रामायण'मध्ये कौशल्याच्या भूमिकेत दिसणार आहे. या चित्रपटाचा पहिला भाग पुढील वर्षी २०२६ मध्ये दिवाळीच्या मुहूर्तावर प्रदर्शित होणार आहे आणि दुसरा भाग २०२७ मध्ये येणार आहे.