या मालिकेत संधी दिल्याबद्दल या मालिकेच्या टीमची ती प्रचंड आभारी आहे. या मालिकेच्या सुरुवातीला दलजीत आपल्याला थोडीशी स्थूल वाटत होती. पण आता व्यायाम करून आणि डाएट करून दलजीतने तिचे कित्येक किलो वजन कमी केले आहे. यामुळे दलजीत आता पहिल्यापेक्षा अतिशय सुंदर दिसत आहे. वजन कमी झाल्यापासून मी अधिक तरुण दिसत असल्याचे मला वाटत आहे असे दलजीतने नुकतेच कबूल केले आहे.
दलजीतला आता प्रमुख अभिनेत्री म्हणून काम करण्याची इच्छा आहे. दलजीत आणि शालीनला एक चार वर्षांचा मुलगादेखील आहे. दलजीतने तिच्या मुलासोबत नुकतेच एक फोटोशूट केले आहे.
या आई-मुलाच्या क्युट फोटोंची चर्चा तर होत आहे. पण त्याचसोबत तिने काही तिचे बोल्ड फोटोदेखील अपलोड केले आहेत.
एका फोटोत तर ती टॉपलेस असून तिने तिच्या सुंदरतेत आणखी भर घालण्यासाठी मोठी टिकली आणि मोठी नथ घातली आहे. यासोबतच तिने तिचे आणखी काही बोल्ड फोटो तिच्या इन्स्टाग्राम अकाऊंटवर पोस्ट केले आहेत.
दलजीतची मालिकांमधील इमेज ही अतिशय सोबर आहे. हे फोटोशूट पाहिल्यानंतर दलजीत आता तिची इमेज बदलण्याचा प्रयत्न करत आहे अशीदेखील जोरदार चर्चा सुरू आहे.