ALSO READ : अंकिता नसणार भन्साळींच्या ‘पद्मावती’ त?
ALSO READ : क्रिती सॅननमुळेच झाले होते का सुशांत सिंग रजपूत आणि अंकिता लोखंडेचे ब्रेकअप?
‘पवित्र रिश्ता’ पासून अभिनेता सुशांतसिंग राजपूत याच्यासोबत रिलेशनशिपमध्ये असलेली टीव्ही अभिनेत्री अंकिता लोखंडे ही संजय लीला भन्साळी यांच्या आगामी चित्रपटातून डेब्यू करणार असल्याची मध्यंतरी जोरदार चर्चा होती. पण, त्याबद्दल कुठलेही अपडेट्स नसल्याचे कळतेय. सुशांतसोबत झालेल्या ब्रेकअपनंतर अंकिताने स्वत:चा मेकओव्हर करून घेतला. इन्स्टाग्रामवरील तिच्या फोटोवरून ते लक्षात आले. तिने नुकतेच केलेल्या फोटोशूटला सोशल मीडियावर मोठ्या प्रमाणावर पसंती मिळतेय. यात काही क्लोज अप्स आणि ब्लॅक अॅण्ड व्हाईट स्टिल्स फोटो आहेत.
अंकितासोबत ब्रेकअप झाल्यानंतर सुशांत ‘एम.एस.धोनी-द अनटोल्ड स्टोरी’ आणि ‘राब्ता’ या दोन चित्रपटांमध्ये व्यस्त झाला. त्यामुळे अभिनेत्री क्रिती सॅनन याच्यासोबत त्याची जवळीक झाल्याच्या बऱ्याच बातम्या धडकल्या. मध्यंतरी तर अंकितानंतर तो क्रितीच्या प्रेमात पडला की काय? अशी शंका त्याच्या चाहत्यांना निर्माण झाली. मात्र, तसे काहीही झालेले नसून त्या केवळ अफवा असल्याचे तो सांगतो. अंकितासोबतचे त्याचे नाते अद्यापही तसेच कायम आहे का? यावर प्रश्नचिन्हच आहे.