करिना कपूर आणि सैफ अली खानच्या आधी यावर्षी शाहिद कपूर, तुषार कपूर , रितेश देशमुख, फवाद खान हे सेलिब्रेटी बनले होते पालक

सैफ अली खान आणि करिनाच्या घरात नुकताच एक नवीन पाहुणा आला आहे. या पाहुण्यासाठी घरात सध्या जय्यत तयारी सुरू आहे. सैफ आणि करिना पालक बनल्यामुळे खूपच खूश आहेत. या वर्षी पालक बनणारे करिना आणि सैफ हे पहिले सेलिब्रेटी नाहीत तर अनेक सेलिब्रेटींच्या घरात या वर्षी बाळाचे आगमन झाले आहे. कोण आहेत हे सेलिब्रेटी यावर नजर टाकूया...


शाहिद कपूर
शाहिद कपूर आणि करिना कपूरचे प्रेमप्रकरण चांगलेच गाजले होते. पण काही काळानंतर त्यांनी ब्रेकअप केले आणि शाहिदने मीरासोबत लग्न केले. मीरा आणि शाहिदला 26 ऑगस्टला मुलगी झाली. शाहिद आणि मीरा या दोघांच्या नावावरून तिचे नाव मिशा ठेवण्यात आले आहे.



तुषार कपूर 
तुषार कपूरला मुलगा झाला ही बातमी ऐकून खरे तर सगळ्यांना धक्का बसला होता. पण त्याला मुलगा सरोगसीच्या मदतीने झाला हे त्याने पत्रकार परिषद घेऊन मीडियाला सांगितले होते.



 

रितेश देशमुख
रितेश आणि जेनेलिया डिसोझाने 2012मध्ये लग्न केले. 2014मध्ये त्यांना पहिला मुलगा झाला आणि आता यावर्षीच्या 1 जूनला जेनेलियाने त्यांच्या दुसऱ्या मुलाला जन्म दिला. 



फवाद खान 
पाकिस्तानी अभिनेता फवाद खानच्या पत्नीने ऑक्टोबरमध्ये एका गोंडस मुलीला जन्म दिला. त्याचे हे दुसरे अपत्य असून एलिना असे त्याने त्याच्या नन्ही परीचे नाव ठेवले आहे. पाकिस्तानी कलाकारांनी बॉलिवूड चित्रपटात काम करू नये असा भारतात निर्णय घेण्यात आला त्यावेळी फवादच्या बॉलिवूड चित्रपटांचे काय होणार या टेन्शनमध्ये तो होता. याच काळात त्याच्या घरात या नव्या पाहुण्याचे आगमन झाले