स्टार प्लसवरील ‘दिव्य दृष्टी’ मालिकेच्या आगामी भागात प्रेक्षकांना लोकप्रिय जोडपे रक्षित (आध्विक महाजन) आणि दृष्टी (सना सय्यद) यांच्यातील प्रेमप्रसंग आणि चुंबनदृष्ये पाहायला मिळणार आहेत.
अगदी निकटचे प्रेमप्रसंग साकार करताना त्याला काही संकोच वाटला का, असे विचारल्यावर आध्विक महाजन म्हणाला, “मी प्रथमच मालिकेत चुंबन दृष्याचा प्रसंग चित्रीत केला आहे. सना आणि माझ्यातील काही प्रेम प्रसंग यापूर्वीही प्रेक्षकांनी पाहिले असले, तरी आता त्यांना प्रथमच आमच्यातील निकटची प्रणयदृष्ये पाहायला मिळणार आहेत. अशा प्रसंगांमधील संकोचाच्या भावनेबद्दल म्हणाल, तर मी एक अभिनेता आहे आणि माझा प्रत्येक प्रसंग ही एक यांत्रिक प्रक्रिया आहे. पटकथेची जर तशी मागणी असेल, तर मला असे प्रसंग साकार करण्यात काहीच संकोच वाटणार नाही. सना आणि मी वास्तव जीवनात एकमेकांचे सच्चे मित्र असल्याने आमच्यात मोकळेपणा आहे. त्यामुळे अशी चुंबन दृष्ये साकार करताना आम्हाला काही संकोचल्यासारखे वाटले नाही.”