सुजय डहाके दिग्दर्शित 'शाळा' चित्रपटाने रसिकवर्गाच्या शाळेच्या आठवणींना तर उजाळा दिला. त्याशिवाय या चित्रपटाने रसिकांच्या मनात घर केलं. या चित्रपटात बालकलाकार अंशुमन जोशी व केतकी माटेगावकर यांची केमिस्ट्री रसिकांना खूपच भावली होती. या चित्रपटानंतर केतकी बऱ्याच सिनेमात झळकली. मात्र अंशुमन जोशी फारसा सिनेसृष्टीत काम करताना दिसला नाही.
अंशुमनने शाळा चित्रपटात मुकुंद जोशीची भूमिका साकारली होती. सोशल मीडियावरील त्याचे फोटो पाहून आता त्याला ओळखणे कठीण जात आहे. आता तो खूपच हॅण्डसम दिसतो आहे.
'शाळा'मध्ये त्याने साकारलेलं अल्लड वयातलं प्रेम आजही त्याच्या अभिनय क्षमतेची आठवण करून देतो. अंशुमन जोशी या मूळच्या सोलापूरकर मुलाने शाळेतलं अवघं विश्वच आपल्यासमोर उभं केलं. मिलिंद बोकिल यांच्या ‘शाळा’ या कादंबरीवर हा चित्रपट आधारित आहे.
सुजय डहाके दिग्दर्शित 'शाळा' या चित्रपटाला राष्ट्रीय पुरस्कारसुद्धा मिळाला होता. दमदार अभिनयासाठी अंशुमनलाही पुरस्कार प्रदान करण्यात आला होता.
‘शाळा’नंतर अंशुमन ‘फोटोकॉपी’मध्ये एका वेगळ्याच अंदाजात दिसला.
मराठी शिवाय अंशुमनने इरफान खान, मिथिला पालकर व दलकीर सलमान यांची मुख्य भूमिका असलेला चित्रपट कारवांमध्येदेखील काम केलं आहे.