सध्या सगळीकडे लग्नाचा माहौल आहे. अनेक मराठी सेलिब्रिटीही गेल्या काही दिवसांत लग्नाच्या बेडीत अडकले. एका मराठी अभिनेत्रीच्या घरीही लगीनघाई सुरू होती. मराठी अभिनेत्री रितिका श्रोत्रीच्या भावाचं नुकचं लग्न झालं. दादाच्या लग्नात रितिका करवली बनून मिरवली. लग्नाच्या कार्यक्रमांचे फोटो आणि व्हिडीओही तिने शेअर केले होते. भावाच्या लग्नात संगीत समारंभाला रितिकाने खास डान्सही केला. याचा व्हिडीओ तिने शेअर केला आहे.
भावाच्या संगीत सोहळ्यासाठी रितिकाने खास लूक केला होता. शिमरी साडी नेसून ग्लॅमरस लूकमध्ये ती तयार झाली होती. रितिकाने भावाच्या संगीत सोहळ्यात लाइमलाइट लुटली. संगीत सोहळ्यात तिने खास डान्स परफॉर्मन्स सादर केला. डोला रे डोला गाण्यावर रितिकाने ठुमका लगावला. तिच्या डान्सने संगीत सोहळ्याला चार चांद लावले. रितिकाचा डान्स पाहून सगळेच थक्क झाले. अभिनेत्रीने शेअर केलेल्या व्हिडीओवर चाहत्यांनी कमेंट करत तिचं कौतुक केलं आहे.
रितिकाने अनेक मराठी सिनेमांमध्ये काम केलं आहे. टकाटक, मु.पो. बोंबिलवाडी, बॉइज ४, बॉइज, डार्लिंग, लंडन मिसळ या सिनेमांमध्ये ती दिसली होती. तर रेड २ या बॉलिवूड सिनेमातही रितिकाने छोटा रोल केला होता.
Web Summary : Actress Ritika Shrotri recently celebrated her brother's wedding. She shared photos and videos, including a dazzling 'Dola Re Dola' dance performance at the sangeet ceremony, wearing a shimmering saree. Her performance captivated everyone, drawing praise from fans.
Web Summary : अभिनेत्री रितिका श्रोत्री ने हाल ही में अपने भाई की शादी मनाई। संगीत समारोह में 'डोला रे डोला' गाने पर शानदार नृत्य किया, जिसकी तस्वीरें और वीडियो साझा किए। शिमरी साड़ी में उनके प्रदर्शन ने सभी को मोहित कर लिया और प्रशंसकों से प्रशंसा मिली।