शाहिर शेखने ‘स्टार प्लस’वरील ‘ये रिश्ते हैं प्यार के’ या मालिकेतून आपल्या अबीरच्या व्यक्तिरेखेने त्याच्या फॅन्सच्या मनात एक वेगळे स्थान निर्माण केले आहे.. अबीर (शाहीर शेख) आणि मिष्टी (रिया शर्मा) यांच्यातील वाढत्या मैत्रीमुळे प्रेक्षक खुश असले, तरी या दोघांच्या मैत्रीत आता काही अनपेक्षित वळणे येणार आहेत.
अबीर आता मिष्टीला आपला धाकटा भाऊ कुणाल याची ओळख करून देण्यासाठी मदत करीत असला, तरी हळूहळू त्याला मिष्टीबरोबर अधिकच आपलेपणा वाटू लागतो. तो तिच्याकडे आकर्षिला जातो. त्याच्या दृष्टीने मिष्टी ही एक मैत्रीण आणि एक विश्वासू व्यक्ती असते. तिच्यासाठी काहीही करण्याची त्याची तयारी असते. अबीर आणि मिष्टी यांच्यातील या उसळत्या मैत्रीचं नातं प्रेक्षकांना अनुभवायला मिळणार असून कथानक पुढे जाईल, तसं त्यांना काही सुखदाश्चर्याचे धक्केही बसणार आहेत.”