ऑनलाइन लोकमत
मुंबई, दि. 14 - बॉलिवूडची मस्तानी दीपिका पदुकोणच्या पहिल्या हॉलिवूड चित्रपटाने 'xXx: रिटर्न ऑफ झेंडर केज' ने संपूर्ण जगभरात 10 फेब्रुवारीपर्यंत तब्बल 70 मिलियन डॉलर म्हणजे 468 कोटी रुपयांची कमाई केली आहे. या चित्रपटाला चीनमध्ये जोरदार ओपनिंग मिळाले आहे.
चीनमध्ये एकाचवेळी 6600 पडद्यावर हा चित्रपट प्रदर्शित झाला. चीनमध्ये प्रदर्शनाला सर्वाधिक कमाई करणारा हा हॉलिवूडपट ठरला आहे. कॉमस्कोरच्या माहितीनुसार या वीकएंडला फिफ्टी शेडर डार्कर जगभरात सर्वाधिक कमाई करणारा चित्रपट ठरला आहे.
या फिल्मने 146.0 मिलीयन डॉलरची कमाई केली. त्यानंतर लीगो बॅटमॅनने 92.6 मिलीयन डॉलरची कमाई केली. दीपिका-विन डिझेलचा 'xXx: रिटर्न ऑफ झेंडर केज' कमाईमध्ये तिस-या स्थानावर आहे. दिपिकाचे अॅक्शन सीन आणि हॉट लूकमुळे हा चित्रपट चर्चेत होता.