दीपिका पादुकोणने अलीकडे ‘मेट गाला 2019’च्या रेड कार्पेटवर आपला जलवा दाखवला. या इव्हेंटच्या रेड कार्पेटवरील दीपिकाचा ‘बार्बी लूक’ चांगलाच हिट झाला. पण इव्हेंटमध्ये दीपिका अगदी पडता पडता बचावली. याचा एक व्हिडीओ सध्या वेगाने व्हायरल होतोय. दीपिकाच्या एका हातात ड्रिंक आहे. ते एन्जॉय करता करता, समोर चालत असताना दीपिकाचा तोल गेला आणि ती पडणार, इतक्यात तिने कसे बसे स्वत:ला सावरले.
सध्या दीपिका ‘छपाक’ या चित्रपटात बिझी आहे. मात्र चित्रपटाच्या शूटींगमधून ब्रेक घेत, दीपिका ‘मेट गाला 2019’मध्ये पोहोचली. ‘छपाक’ या चित्रपटात ती अ‍ॅसिड अटॅक सर्व्हायव्हर लक्ष्मी अग्रवालच्या भूमिकेत दिसणार आहे. ‘छपाक’ मधून दीपिका पादुकोण निर्मिती क्षेत्रात पदार्पण करते आहे. यात विक्रांत मेस्सी दीपिकाच्या पतीची भूमिका साकारत आहे. मेघना गुलजार हा चित्रपट दिग्दर्शित करतेय.