Watch Video : ‘इब्राहिम... इब्राहिम म्हणत सैफच्या मुलाला आवाज देत होती मलायका अरोरा !
By ऑनलाइन लोकमत | Updated: August 11, 2017 17:10 IST
मलायका जेव्हा पार्टीत आली, तेव्हा सगळयांच्याच नजरा तिच्यावर खिळल्या होत्या. अरबाजशी घटस्फोट घेतल्यानंतर हे दोघे विभक्त होतील अशी चर्चा रंगत होती, परंतु तसे घडले नाही
Watch Video : ‘इब्राहिम... इब्राहिम म्हणत सैफच्या मुलाला आवाज देत होती मलायका अरोरा !
अभिनेता अरबाज खान याच्या व्या वाढदिवसानिमित्त दिलेल्या पार्टीची चर्चा अजूनही रंगत आहे. कारण या पार्टीत एवढ्या कलाकारांनी आणि स्टारकिड्सनी हजेरी लावली होती की, प्रत्येकाविषयी कुठली ना कुठली बातमी समोर येत आहे. अरबाजला वाढदिवसाच्या शुभेच्छा देण्यासाठी त्याच्या कुटुंबातील सदस्यांसह त्याची एक्स पत्नी मलायका अरोरा हीदेखील पार्टीत हजर होती. पार्टीत बरेच गॉसिप आणि धमाल झाल्याची माहिती समोर आली, परंतु पार्टीमध्ये एक अशी घटना घडली ज्यामुळे अनेकांचे लक्ष मलायका अरोरा हिच्याकडे वळले. होय, मलायका जेव्हा पार्टीत आली, तेव्हा सगळयांच्याच नजरा तिच्यावर खिळल्या होत्या. अरबाजशी घटस्फोट घेतल्यानंतर हे दोघे विभक्त होतील अशी चर्चा रंगत होती, परंतु तसे घडले नाही. उलट मलायका अरबाजच्या अधिकच क्लोज येत असल्याचे सध्या चित्र दिसत आहे. असो, या पार्टीत सैफ अली खानचा मुलगा छोटा नवाब इब्राहिम खान हादेखील उपस्थित होता. पार्टी संपल्यानंतर इब्राहिम त्याच्या मित्रांसोबत बाहेर पडत होता. तेव्हा मलायकाही त्याच्या मागे येत होती. इब्राहिम मित्राच्या खाद्यांवर हात ठेवून गप्पा मारण्यात दंग होता. परंतु मलायकाचे सर्व लक्ष त्याच्याकडेच होते. जेव्हा तो पुढे गेला तेव्हा मलायका जोर-जोरात ‘इब्राहिम... इब्राहिम... म्हणत त्याला हाका मारत होती. मलायकाचा आवाज उपस्थितांना ऐकावयास मिळाल्याने सगळेच तिच्याकडे बघत होते.