गेल्या आठवड्यात अशी बातमी आली होती की दिवंगत विनोद मेहरा यांची मुलगी सोनियाने बॉलिवूडला बाय बाय म्हटले आहे. सध्या दुबईत राहणारी सोनियाने हे वृत्त चुकीचं असल्याचे सांगितलं. सोनिया म्हणाली, मी आता बॉलिवूडचा भाग नाही असा निर्णय कोणी घेतला आणि ही बातमी कोणी पसरवली हे मला माहित नाही, परंतु ही बातमी पूर्णपणे चुकीची आहे.
ई-टाईम्सशी बोलताना सोनिया म्हणाली की, मी दुबईला शिफ्ट झाली आहे, कारण ते लंडन, भारत आणि केनियाच्यामध्ये आहे. मी बर्‍याचदा लंडन आणि केनियाला जाते. तिकडे माझ्या लहानपणीच्या आठवणी आहेत. 2007 मध्ये 'व्हिक्टोरिया नंबर 2003' पासून करिअरची सुरुवात करणारी सोनिया म्हणाली, मला जे काही मिळाले त्याबद्दल मी आभारी आहे आणि मला बॉलिवूड चित्रपटांमध्ये काम करण्यास देखील रस आहे. मी कोणत्याही भाषेच्या चित्रपटांमध्ये काम करेन आणि याबद्दल मी काही दिग्दर्शकांशी बोलत आहे. स्टार म्हणून नव्हे तर कलाकार म्हणून काम केल्याचा मला आनंद आहे.