​बेरोजगार बॉबी वाजवतोय डीजे!

धर्मेंद्रचा मुलगा आणि सनी देओलचा भाऊ याशिवायही बॉबी देओलने बॉलिवूडमध्ये आपली एक वेगळी ओळख निर्माण केली. अनेक हिट चित्रपटातून बक्कळ कमाईही केली. परंतु सध्या बॉबीचे दिवस फिरले आहेत. कुणी चित्रपटाची आॅफरच देत नसल्याने त्याने चक्क दिल्लीच्या एका क्लबमध्ये डीजेवाले बाबूचे काम पत्करले आहे. ‘बरसात’, ‘गुप्त’, ‘सोल्जर’, ‘बिच्छू’ यासारख्या गाजलेल्या सिनेमांचा हा नायक मागच्या दहा वर्षांपासून  कामाच्या शोधात आहे. परंतु त्याला एकही चित्रपट मिळाला नाही. इतर निर्मात्यांचे सोडा त्याचा सख्खा भाऊ सनी देओलही त्याच्या मदतीला आला नाही. सनी देओलने ‘घायल वन्स अगेन’ हा सिनेमा बनवला पण यात तो स्वत:च हिरो झाला. आणि आता तर सनी स्वत:च्या मुलाला अर्थात करनला लाँच करण्याच्या तयारीत आहे. अशा स्थितीत अखेर बेरोजगार बॉबीने फार प्रतीक्षा न करता थेट दिल्ली गाठली आणि आरएसव्हीपी क्लबमध्ये डीजेचे काम सुरू केले. नशीब एकेकाचे....आणखी काय?