अभिनेत्री तमन्ना भाटियाला (Tamannaah Bhatia) महाराष्ट्र सायबर सेलने समन्स पाठवलं आहे. आयपीएल 2023 मध्ये अवैध स्ट्रीमिंग केल्याप्रकरणी तिला चौकशीसाठी बोलावण्यात आलं आहे. या अवैध स्ट्रीमिंगमुळे वायाकॉमचं कोटींचं नुकसान झालं आहे. 29 एप्रिल रोजी तमन्नाला महाराष्ट्र सायबरसमोर हजर राहण्याचे आदेश मिळाले आहेत.
फेअरप्ले ॲपवर आयपीएल 2023 च्या सामन्यांचं अवैधरित्या प्रसारण केल्यासंबंधी अभिनेत्री तमन्ना भाटिया अडचणीत सापडली आहे. याआधी अभिनेता संजय दत्तलाही याचप्रकरणी महाराष्ट्र सायबर सेलने 23 एप्रिल रोजीच हजर राहण्याचे आदेश दिले होते. मात्र तो भारतात नसल्याने त्याने स्टेटमेंट रेकॉर्ड करुन पाठवण्याची विनंती केली. आता तमन्ना भाटियाही याप्रकरणात अडकली आहे. एएनआयने यासंदर्भात ट्वीट करुन माहिती दिली आहे.