सोनाक्षी सिन्हा लवकरच करण जोहरच्या मल्टीस्टारर 'कलंक'मध्ये दिसणार आहे. १७ एप्रिलला महावीर जयंतीच्या दिवशी कलंक रसिकांच्या भेटीला येणार आहे. नुकतेच सोनाक्षीने अरबाज खानच्या चॅट शोमध्ये हजेरी लावली होती. यावेळी तिने पर्सनल लाईफबाबत काही खुलासे केले. सोशल मीडियावर अनेक वेळा सोनाक्षीला लग्न करुन सेटल होण्याचा सल्ला देण्यात येतो.
यावेळी सोनाक्षीने ट्रोलर्सना चांगलेच खडे बोल सुनावले आहेत. आयुष्याचा अर्थ फक्त लग्न करुन सेटल व्हा ऐवढाच आहे का.? आम्ही टूरवर जातो तर त्यांना वाटत का आम्ही नाचायला, मजा करायला, पार्टी करायला गेलो आहोत?, आम्ही काम करायला जातो.
सोनाक्षीने शोमध्ये तिच्या आजाराबाबत देखील खुलासा केला. असे गडबडून जाऊ नका, सोनाक्षीला सध्या मोबाईल फोनच्या आहारी जाण्याचा आजार झाला आहे. ऐवढेच नाही तर बाथरुममध्ये देखील सोनाक्षी सिन्हा मोबाईल बरोबर घेऊन जाते.