बॉलिवूड अभिनेते अमिताभ बच्चन आणि अभिनेते गुलशन ग्रोव्हर आणि अभिनेत्री कतरिना कैफ सोबत काम करणाऱ्या अभिनेत्रीने आपल्या आत्मचरित्रात वडिल आणि पतीबाबत धक्कादायक खुलासे केले आहेत. 2003 मध्ये आलेल्या बूम चित्रपटामध्ये पद्मलक्ष्मीने महत्वाची भूमिका केली होती. अमेरिकेत लहानाची मोठी झालेल्या आणि तेथेच राहणाऱ्या पद्मलक्ष्मीने बॉलिवूडमध्येही आपला जलवा दाखवला आहे.
तामिळनाडूत जन्मलेली आणि आपल्या मॉडेलिंगमुळे जगभरात ओळख निर्माण करणाऱ्या पद्मालक्ष्मीने लव, लॉस एण्ड व्हॉट वी एट या आपल्या पुस्तकात अनेक खळबळजनक खुलासे केले आहेत. यामध्ये आपल्या सावत्र वडिलांबाबत तिने धक्कादायक खुलासा केला आहे. एकेदिवशी मी सकाळी उठले तर, वडिल माझ्या बेडवर माझ्या बिछान्यात होते आणि त्यांचा हात माझ्या अंतर्वस्त्रात (पँटीत) होता. या प्रकारामुळे मी घाबरले. याबाबत मी माझ्या आईलाही सांगितले मात्र तिनेही दुसऱ्याच कोणासोबत बोलणे केले. त्या वेळी कोणीही माझ्यावर विश्वास ठेवला नाही. मात्र, जेव्हा आपल्या आईला वाटले की आपली मुलगी सुरक्षित नाही. तेव्हा तिने आपल्याला भारतात पाठवले.
2007 मध्ये लगेच ते विभक्तही झाले. या नात्याबद्दलही तिने धक्कादायक खुलासा केला आहे. सलमान रश्दींसोबत लग्न केल्यानंतर त्यांचे संबंध फार चांगले राहिले नाहीत.
पद्माचे म्हणणे होते की, रश्दी तिला केवळ सेक्स करण्यासाठीच जवळ घेत असत. तिच्यासोबत राहण्यामागे सेक्स करणे इतकाच रश्दींचा स्वार्थ होता. आपण सेक्स करण्यास जर विरोध केला तर रश्दी हिंसक मार्गाचा अवलंब करत असल्याचेही पद्माने म्हटले होते.