रोहित शेट्टी व रणवीर सिंगचा आगामी चित्रपट 'सिम्बा' लवकरच प्रेक्षकांच्या भेटीला येणार आहे. या चित्रपटाच्या निमित्ताने रणवीर सिंग व सारा अली खान पहिल्यांदाच एकत्र रुपेरी पडद्यावर काम करताना दिसणार आहेत. या चित्रपटाचे चित्रीकरण नुकतेच संपले अाहे. यामुळे अभिनेत्री सारा अली खान खूप भावूक झाली आणि तिने सेटवर फोटो शेअर करून स्पेशल पोस्ट लिहिली आहे.
साराने रणवीर व रोहित शेट्टीचा फोटो सोशल मीडियावर शेअर करून लिहिले की, 'आणि आता चित्रीकरण संपले. रोहित शेट्टी सर तुमचे धैर्य, सल्ला, दिशा, चिंता, दयाळूपणा, काळजी आणि सगळ्याच बाबींसाठी मनापासून आभार मानते. रणवीर सिंग तू खरेच खरा स्टार आहेस. तुझा उत्साह आणि सकारात्मकता ही अतुलनीय बाब आहे. कामात झोकून देणे नक्की काय असते हे तुमच्याकडे पाहून मला कळले. यातूनच तुम्ही दोघे नक्की तुम्ही दोघे म्हणून का ओळखले जाता हे मला कळले. ही जागा नक्की तुम्ही कशी मिळवली हे मला जाणवले. '
सारा अली खानचे यावर्षी दोन चित्रपट येणार असून ती 'केदारनाथ'मधून चित्रपटसृष्टीत पदार्पण करत आहे. तर करण जोहर आणि रोहित शेट्टी दिग्दर्शित 'सिम्बा' हा चित्रपटही तिच्यासाठी खास आहे.