​हे वाचाच: जॉनची प्रामाणिक ‘कबुली’

हॉट अ‍ॅण्ड क्यूट जॉन अब्राहम म्हटले की, तरूणीच्या उड्या पडणारच. तसा जॉन तसा संकोची स्वभावाचा, लाजरा अभिनेता म्हणून ओळखला जातो. पण अलीकडे झालेल्या एका टॉक शोमध्ये जॉन अगदीच बिनधास्त बोलला. त्याचे हे बिनधास्त बोलणे ऐकून सगळेच अवाक् झाले. या टॉक शो दरम्यान जॉनने एक प्रामाणिक कबुलीही दिली. ही कबुली कोणती, ऐकायचीयं? तर ऐका. he sleeps naked at night असं जॉनने यावेळी सांगितले. दर दिवशी मी असाच झोपतो. कारण असे झोपणे मला कम्फर्टेबल वाटते. हेच माझ्यालेखी स्वातंत्र्य आहे. माझ्याच घरात, चादरीखाली मी कपडे का घालू? असं जॉन यावेळी म्हणाला. मुली त्याच्यावर तुटून पडतात, हे मला अजिबात आवडत नाही, असेही  तो म्हणाला. त्याने याबाबतचा एक किस्साही ऐकवला. त्याने सांगितले की,हॉलंडमध्ये पाच-सहा मुलींचा एक घोळका माझ्याजवळ आला. त्यांनी माझ्या टी-शर्टला हात लावला. बॉडीगार्ड होते पण त्यांनी मुलींना थांबवण्यास नकार दिला. त्यामुळे या मुली आणखीच जवळ आल्या. मला स्पर्श करू लागल्या. अचानक मला दाह जाणवला. बघतो तर स्किनवरच्या ओरखड्यातून रक्त येत होतं. मी त्या मुलींना म्हटलं, असं का करतायं. तर त्यातली एक मुलगी म्हणाली, मला तुझी स्कीन माझ्या नखात हवी आहे. मी अवाक् झालो.जॉन इतका लाजरा का, याचे रहस्यही खुद्द जॉननेच सांगितले. तो म्हणाला, कॉलेजमध्ये असताना माझ्या चेहºयावर असंख्य पिंपल्स होते.मुलींनी माझ्याकडे बघितले की, माझ्या चेहºयावरील पिंपल्स आणखी मोठे झाल्याचा भास मला व्हायचा. त्यामुळे मी मुलींकडे पाहणे टाळायचोच आणि खाली बघायचो. आजही ही सवय गेलेली नाही. पण माझी हीच सवय आज मुलींना गोड वाटते.