सलमान खानचा 'मातृभूमी' थेट OTT वर येणार? प्रदर्शनाबाबत मोठी अपडेट आली समोर

बॉलिवूडचा 'सुलतान' सलमान खान सध्या त्याच्या 'मातृभूमी' या आगामी चित्रपटामुळे सातत्याने चर्चेत आहे. या चित्रपटाच्या प्रदर्शनाची तारीख पुढे ढकलण्यात आल्यामुळे चाहत्यांमध्ये काहीसे चिंतेचे वातावरण होते. दरम्यान, हा चित्रपट चित्रपटगृहांऐवजी थेट ओटीटी (OTT) प्लॅटफॉर्मवर प्रदर्शित होणार असल्याच्या चर्चांनी सोशल मीडियावर जोर धरला होता. आता याबाबत मोठी अपडेट समोर आली आहे. 'बॉलिवूड हंगामा'नुसार, 'मातृभूमी' थेट ओटीटीवर प्रदर्शित करण्याचा कोणताही विचार नाही. हा चित्रपट मोठ्या पडद्यावरच प्रदर्शित केला जाणार आहे. सलमान खान आजही मोठा सुपरस्टार आहे आणि 'मातृभूमी' हा मोठ्या स्केलवर बनवलेला चित्रपट आहे. त्यामुळे सलमान आणि दिग्दर्शक अपूर्व लाखिया दोघेही हा चित्रपट थिएटरमध्येच रिलीज करण्याच्या बाजूने आहेत.चित्रपटातून चीनशी संबंधित काही घटक काढून टाकण्यावर काम सुरू आहे. अशा स्थितीत काहींना असे वाटले की ओटीटीवर सेन्सॉरशिप नसते, म्हणून चित्रपट ओटीटीवर प्रदर्शित होईल. मात्र, आता जे चित्रपट थेट ओटीटीवर प्रदर्शित होतात, त्यांनाही चित्रपटगृहातील चित्रपटांप्रमाणेच सरकारी प्रमाणीकरण प्रक्रियेतून जावे लागते. त्यामुळे ओटीटीवर गेल्यानंतरही सेन्सॉरपासून सुटका होईल, हा समज चुकीचा आहे. त्यामुळे 'मातृभूमी' हा चित्रपट OTT ऐवजी सिनेमागृहातच प्रदर्शित होणार असल्याचं आता स्पष्ट झालं आहे. या चित्रपटात सलमान खानसह अभिनेत्री चित्रांगदा सिंह सुद्धा महत्त्वाच्या भूमिकेत आहे. मीडिया रिपोर्टनुसार, हा चित्रपट ऑगस्ट २०२६ मध्ये स्वातंत्र्यदिनाच्या निमित्ताने प्रदर्शित होण्याची शक्यता वर्तवण्यात येत आहे.

रणवीर सिंगचा 'धुरंधर २'

बिग बॉस मराठी ६

आशा भोसले

'रामायण' चित्रपट

फिल्मी : अनुष्का झालीय ‘busy girl’!

फिल्मी : Ajay Devgan in Filmcity

फिल्मी : मिर्झिया

फिल्मी : fever movie

फिल्मी : कंगना करते क्वीन चित्रपटाच्या सिक्वेलची तयारी

फिल्मी : बाप लेक एअरपोर्टवर...!

फिल्मी : सुपरहिरोज इन लव्ह!

फिल्मी : चित्रपटाची भव्यता चित्रपटगृहातच अनुभवा! - राकेश ओमप्रकाश मेहरा

फिल्मी : अक्षयने दिले सुभाष कपूरला गिफ्ट!

फिल्मी : नवाजचे स्वप्न भंगले!