अभिनेता कमल हसन यांची मुलगी श्रुती हसन हिने दाक्षिणात्य सिनेइंडस्ट्रीपासून बॉलिवूडमध्ये आपली छाप उमटवली आहे. ती जास्त सिनेमात झळकली नसली तरी तिचा फॅन फॉलोविंग खूप आहे. श्रुती अभिनयासोबतच सामाजिक कार्यातही सहभाग घेताना दिसते. नुकताच तिने एका कार्यक्रमात हजेरी लावली होती. तिने या कार्यक्रमात सांगितलं की, बॉलिवूड इंडस्ट्रीसारखंच दाक्षिणात्य सिनेइंडस्ट्रीतही स्त्री पुरूष असा भेदभाव केला जातो.
एका वाहिनीशी बोलताना श्रुती हसनने सांगितलं की, असं नाही आहे की फक्त बॉलिवूडमध्येच अभिनेत्रींना कमी मानधन मिळतं. तर दाक्षिणात्य सिनेमातही असंच चित्र आहे. तिथेदेखील अभिनेत्याना अभिनेत्रीपेक्षा जास्त मानधन व सुविधा मिळते. मला आशा आहे की आगामी काळात महिलांना समान वर्तणूक व मानधन मिळेल.
जेव्हा तुम्ही आंतरराष्ट्रीय बातम्या पाहतो तेव्हा आपल्याला समजतं की ही समस्या सगळीकडे आहे.