Milind Soman : अभिनेते मिलिंद सोमण त्यांच्या फिटनेसमुळे नेहमी चर्चेत असतात. ते चाहत्यांसाठी नेहमी सोशल मीडियावर फिटनेससंदर्भातील विविध व्हिडीओ शेअर करत असता. दरम्यान, मिलिंद यांनी अलीकडेच इंस्टाग्रामवर शेअर केलेल्या एका पोस्टने सर्वांना चकीत केले आहे. या व्हिडीओमध्ये ते अशी गोष्ट करताना दिसत आहेत, ज्याचा कुणी विचारही करणार नाही. मिलिंद सोमण हे यावेळी थेट युरोपातून आफ्रिकेत पोहत गेले.
मिलिंद सोमण यांनी इन्स्टाग्रामवर एक पोस्ट शेअर केली आहे. या पोस्टमध्ये त्यांनी लिहिले, "१ मे रोजी मी पोहत युरोपमधून आफ्रिकेत गेलो. जिब्राल्टरची सामुद्रधुनी ओलांडली. स्पेनमधील टारिफा(Tarifa) ते मोरोक्कोचा समुद्रकिनारा यांच्यात १५ किलोमीटरचे अंतर आहे. पोहण्याचा हा अनुभव खूपच सुंदर व अप्रतिम होता. याबद्दल लवकरच सविस्तर पोस्ट शेअर करेन".
मिलिंद यांनी शेअर केलेल्या फोटोंमध्ये ते अत्यंत उत्साहात दिसत आहेत. एका फोटोत त्यांनी दोन्ही हातात भारताचा ध्वज पकडला आहे, तर एका व्हिडीओमध्ये ते अथांग समुद्रात पोहोताना दिसत आहेत. ६० वर्षांचे असूनही मिलिंद सोमण यांचा हा फिटनेस आणि जिद्द पाहून चाहते चकीत झाले आहे.
Web Summary : Milind Soman, known for his fitness, swam from Europe to Africa, crossing the Strait of Gibraltar. The 15km swim from Tarifa, Spain, to Morocco was a beautiful experience. He shared photos with the Indian flag, amazing fans.
Web Summary : अपनी फिटनेस के लिए मशहूर मिलिंद सोमन ने जिब्राल्टर जलडमरूमध्य को पार करते हुए यूरोप से अफ्रीका तक तैराकी की। स्पेन के टैरिफा से मोरक्को तक 15 किलोमीटर की दूरी का यह तैराकी अनुभव अद्भुत था। उन्होंने भारतीय ध्वज के साथ तस्वीरें साझा कीं।