‘कंचना’च्या रिमेकमध्ये अक्षय कुमारसोबत दिसणार कियारा अडवाणी!!

होय, ‘कंचना (मुनी)’ या साऊथच्या सुपरडुपर हिट हॉरर कॉमेडी चित्रपटाचा रिमेक येतोय आणि यात अक्षय कुमार लीड रोलमध्ये दिसणार आहे. या चित्रपटाचे नाव ‘लक्ष्मी’ असल्याचे कळतेय. आता या चित्रपटासाठी हिरोईनही फायनल झाली आहे.

ठळक मुद्देरोहित शेट्टीचा ‘सूर्यवंशी’ हातावेगळा करताच अक्षय या रिमेकचे काम सुरु करणार आहे. आधी या रिमेकमध्ये शोभिता धूपिया दिसणार, अशी खबर होती

अक्षय कुमारचा नुकताच रिलीज झालेला ‘केसरी’ हा सिनेमा एकीकडे बॉक्स आॅफिसवर धूम करतोय. दुसरीकडे अक्षय नव-नव्या चित्रपटांची घोषणा करतोय. सध्या अक्षयकडे एकापेक्षा एक उत्तम प्रोजेक्ट आहेत. आता यात आणखी एकाची भर पडली आहे.होय, ‘कंचना (मुनी)’ या साऊथच्या सुपरडुपर हिट हॉरर कॉमेडी चित्रपटाचा रिमेक येतोय आणि यात अक्षय कुमार लीड रोलमध्ये दिसणार आहे. या चित्रपटाचे नाव ‘लक्ष्मी’ असल्याचे कळतेय. आता या चित्रपटासाठी हिरोईनही फायनल झाली आहे. सूत्रांचे मानाल तर ‘कंचना (मुनी)’च्या रिमेकमध्ये कियारा अडवाणीचे नाव फायनल केले गेले आहे. अभिनेता आर. माधवन यालाही या चित्रपटाची आॅफर मिळाली आहे.

कियारा व आर. माधवन दोघांनीही साऊथच्या चित्रपटांत काम केले आहे. कियाराने अलीकडे साऊथमध्ये आपले अ‍ॅक्टिंग करिअर सुरू केले. अशात ‘कंचना (मुनी)’च्या रिमेकसाठी कियारा ही मेकर्सची पहिली पसंत असल्याचे कळतेय.

अक्षय कुमारला बऱ्याच दिवसांपासून ‘कंचना’ची स्क्रिप्ट आवडली होती आणि त्यामुळे या चित्रपटाचा हिंदी रिमेक बनवण्यासाठी त्याने होकार दिला होता. अर्थात गेल्या वर्षभर अतिशय बिझी असल्यामुळे अक्षयचा हा रिमेक थंडबस्त्यात पडला. पण आता रोहित शेट्टीचा ‘सूर्यवंशी’ हातावेगळा करताच अक्षय या रिमेकचे काम सुरु करणार आहे. आधी या रिमेकमध्ये शोभिता धूपिया दिसणार, अशी खबर होती. शोभिता सैफ अली खानसोबत ‘शेफ’मध्ये दिसली होती.शबीना खान आणि तूषार कपूर ‘लक्ष्मी’ प्रोड्यूस करणार आहेत. राघव लॉरेन्स या चित्रपटाचा दिग्दर्शक असणार आहे. राघव यांनीच ‘कंचना’चे दिग्दर्शन केले होते.