​करिना का होतेय सहअभिनेत्रींवर ‘मेहरबान’?

‘उडता पंजाब’च्या यशामुळे करिना कपूर सध्या जाम खुश आहे. अनेक चित्रपटांनंतर तिचा हा पहिलाच हिट चित्रपट असल्यामुळे ती आनंदात आहे.तिचा आनंद मीडियापासुनही लपून राहिलेला नाही. करिना जरा कौटुंबिक असल्यासारखी वागू लागली आहे. इंडस्ट्रीमधील नवअभिनेत्रींविषयी स्पर्धा करण्याऐवजी ती त्यांना प्रोत्साहन देतान दिसत आहे.नुकतेच एका कार्यक्रमात तिने आलिया भटला ‘किस’ करून तिच्या अभिनयाचे कौतुक केले. आलियानंतर ती आता सोनमची प्रशंसा करताना दिसत आहे.ती म्हणते, अनिल कपूर आणि त्यांचे कुटुंबातील सर्व सदस्यांना मी माझे कुटुंब मानते. अनिल, अर्जुन मी काम केलेले आहे आणि आता सोनमसोबत ‘वीरे दी वेडिंग’मध्ये काम करत आहे. सोनमला तर मी लहान बहिणच मानते. म्हणून जरा तिच्याविषयी मी ‘प्रोटेक्टिव्ह’ आहे.आता करिना खरंच असा विचार करते की केवळ चित्रपटात सोबत काम करतेय म्हणून बोलतेय हे तिलाच माहित.‘वीरे दी वेडिंग’मध्ये करिना, सोनम आणि स्वरा भास्कर मुख्य भूमिकेत असून ही संपूर्णत: ‘गर्ल्स’ फिल्म आहे.