बॉलिवूड अभिनेत्री दीया मिर्झा सोशल मीडियावर सक्रिय असून ती सोशल मीडियावर फोटो आणि व्हिडीओ शेअर करत असते. नुकतेच दीयाने मुलाचा जन्माच्या ४ महिन्यांनंतर त्याचा फोटो सोशल मीडियावर शेअर केला आहे. दीया आणि अव्यानचा हा फोटो सोशल मीडियावर खूप व्हायरल होताना दिसतो आहे.
दीया मिर्झाने सोशल मीडियावर शेअर केलेल्या फोटोत दिया आणि अव्यान दिसत आहेत. या फोटोला तिने स्केच फिल्टर वापरले आहे. हा फोटो शेअर करत तिने लिहिले की, आमच्या अव्यानच्या कहाणीला सुरुवात झाली आहे. १५.०९.२०२१ अव्यानच्या पहिल्या ४ महिन्यात ज्यांनी त्याची काळजी घेतली त्या सर्वांचे आम्ही मनापासून आभारी आहोत. सगळ्या डॉक्टरांकडून मिळालेल्या प्रेमाचे आम्ही आभार मानतो. अव्यान, तू आम्हाला विनम्रता आणि प्रार्थनेत किती शक्ती असते ते दाखवून दिले. तू आम्हाला पूर्ण केले आहे.