हवामान विभागाने दिला शीत लहरीचा इशारा; राज्यात नाताळपर्यंत हुडहुडी राहणार कायम

Maharashtra Winter Update : राज्यात सध्या अधिक प्रमाणात थंड वारे वाहू लागले आहे. परिणामी सर्वत्र यंदा थंडीचा कडाका जाणवत आहे. दरम्यान या थंडीच्या कडकाचा रब्बी पिकांना देखील काही अंशी फटका बसतो आहे. याच अनुषंगाने जाणून घेऊया राज्यात किती दिवस राहणार थंडीचा मुक्काम. 

राज्यात सध्या अधिक प्रमाणात थंड वारे वाहू लागले आहे. परिणामी सर्वत्र यंदा थंडीचा कडाका जाणवत आहे. दरम्यान या थंडीच्या कडकाचा रब्बी पिकांना देखील काही अंशी फटका बसतो आहे. याच अनुषंगाने जाणून घेऊया राज्यात किती दिवस राहणार थंडीचा मुक्काम.

उत्तरेकडून येणाऱ्या थंड वाऱ्यांमुळे मुंबईसह महाराष्ट्र गारठला असून ही हुडहुडी नाताळपर्यंत राहील, असा अंदाज हवामान शास्त्रज्ञांनी वर्तवला आहे.विदर्भ, उत्तर महाराष्ट्र, मराठवाडा आणि मध्य महाराष्ट्रातील सर्वच शहरांचा पारा १० अंशांपर्यंत घसरला आहे.

अहिल्यानगर, नाशिक, सातारा, पुणे, बारामती, नांदेड, जेऊर, धाराशिव, जळगाव, मालेगाव, अमरावती, भंडारा, गोंदिया, नागपूर आणि यवतमाळ या सर्व शहरांत किमान तापमानाची नोंद १० अंश सेल्सिअस एवढी झाली आहे.

राज्यात कुठे किती नोंदवले गेले किमान तापमान ?

मुंबई	१६.६°	पुणे	८.८°	अमरावती	१०.९°
महाबळेश्वर	१२.९°	बारामती	७.७°	भंडारा	१०°
नंदुरबार	१२.९°	नांदेड	९.९°	बुलढाणा	१३.२°
अहिल्यानगर	७.५°	परभणी	११.५°	चंद्रपूर	१२°
कोल्हापूर	१४°	माथेरान	१७.२°	गडचिरोली	११.४°
सांगली	११.७°	जेऊर	६°	गोंदिया	९.२°
सोलापूर	१२.६°	धाराशिव	१०.५°	नागपूर	१०°
छ. संभाजीनगर	११.२°	जळगाव	७°	वर्धा	११.२°
नाशिक	८.६°	मालेगाव	८.६°	वाशिम	११.२
सातारा	९.५°	अकोला	११.७°	यवतमाळ	१०.५°

दिल्ली, उत्तर प्रदेशसह संपूर्ण उत्तर भारतातही कडाक्याची थंडी पडली आहे. हवामान विभागाने भारताच्या अनेक राज्यांमध्ये शीत लहरीचा इशारा दिला आहे.

आजही हुडहुडी

रविवारीही थंडी जाणवेल. सोमवारी, मंगळवारी किमान तापमानात किंचित वाढ होईल. गुरुवारपासून किमान तापमान घसरण्यास सुरुवात होईल. नाताळपर्यंत हुडहुडी कायम राहील. - अथ्रेय शेटटी, हवामान अभ्यासक.

हेही वाचा : उत्तम आरोग्यासाठी साखर खाणं हानिकारकच, पण गूळ किती चांगला? जाणून घ्या सविस्तर