Paddy crop Management : भात पिकावर खोड किड, पोंग्यातील माशी व तुडतुडे या किडींच्या नियंत्रणासाठी कार्बोफुरान ३ टक्के दाणेदार २५ कि. ग्रॅ. प्रति हेक्टर किंवा फिप्रोनील ०.३ टक्के दाणेदार १६.७ कि. ग्रॅ. प्रति हेक्टर यापैकी एक दाणेदार कीटकनाशक द्यावे.
- खोड किड, पाने गुंडाळणारी अळी या किडींच्या नियंत्रणासाठी कारट्याप हायड्रोक्लोराईड ४ टक्के दाणेदार कीटकनाशक २१.८ कि. ग्रॅ. प्रति हेक्टर किंवा क्लोरानट्रानिलीप्रोल ०.४ टक्के दाणेदार कीटकनाशक १० किलो प्रति हेक्टर यापैकी एक कीटकनाशक द्यावे, अथवा..
- बायफेन्थ्रीन १० ई. सी. १० मिली किंवा अझाडीरकटीन ०.१५% ई. सी. ३० मिली किंवा कार्बोसल्फान २५ ई. सी. १६ मिली किंवा कारट्याप हायड्रोक्लोराईड ५० टक्के विद्राव्य भुकटी २० ग्रॅम प्रती १० लिटर पाणी यापैकी एका कीटक नाशकाची फवारणी करावी.
रोग नियंत्रण
- भात पिकावर पर्णकोश करपा, कडा करपा (जिवाणूजन्य करपा), बुरशीजन्य करपा व पानांवरील ठिपके या रोगांच्या नियंत्रणासाठी हेक्साकोनॅझोल ४% झायनेब ६८% विद्राव्य भुकटी २० ग्रॅम प्रति १० लिटर पाणी
- पर्णकोश करपा व बुरशीजन्य करपा या रोगांच्या नियंत्रणासाठी टेबुकोनॅझोल ५०% + ट्रीफ्लॉकसोस्ट्रॉबीन २५% विद्राव्य दाणेदार बुरशीनाशक ४ ग्रॅम/१० लिटर पाणी
- बुरशीजन्य करपा या रोगाच्या नियंत्रणासाठी कारबेनडेझीम 12% + मन्कोझेब ६३ % डब्लू पी. १५ ग्रॅ. प्रती १० लिटर पाणी या मिश्र बुरशी नाशकाची गरजेनुसार फवारणी करावी व
- कडा करपा (जिवाणूजन्य करपा) या रोगाच्या नियंत्रणासाठी कॉपर हैड्रॉकसाईड ५३.८% विद्राव्य भुकटी २० ग्रॅम प्रति १० लिटर पाणी या बुरशी नाशकाची गरजेनुसार फवारणी करावी.
- कृषी संशोधन केंद्र, पालघर व कृषी विभाग, महाराष्ट्र शासन