Krushi Salla : मराठवाड्यात वादळी वाऱ्यासह मेघगर्जना आणि हलक्या ते मध्यम पावसाचा अंदाज हवामान विभागाने वर्तविला आहे. मात्र पेरणीस योग्य वेळ येईपर्यंत वाट पाहणेच शहाणपणाचे ठरेल. (Krushi Salla)
वसंतराव नाईक कृषी विद्यापीठाने दिलेल्या मार्गदर्शनानुसार, शेतीची पूर्व मशागत, योग्य आंतरपीक नियोजन, कीड व्यवस्थापन, तसेच फळबाग व पशुधनासाठी दिलेले उपाय वाचा सविस्तर.(Krushi Salla)
हवामान अंदाजाचा आढावा
प्रादेशिक हवामान केंद्र, मुंबई यांच्या माहितीनुसार मराठवाड्या १० जूनपर्यंत तूरळक ठिकाणी वादळी वाऱ्यासह मेघगर्जना आणि हलक्या ते मध्यम स्वरुपाचा पाऊस होण्याची शक्यता आहे.
आज ८ जून रोजी नांदेड, परभणी, हिंगोली, छत्रपती संभाजी नगर, जालना, बीड जिल्ह्यात तर ०९ जून रोजी नांदेड जिल्ह्यात तूरळक ठिकाणी वादळी वारा, मेघगर्जना, वाऱ्याचा वेग अधिक (ताशी ४० ते ५० कि.मी.) राहून हलक्या ते मध्यम स्वरूपाच्या पावसाची शक्यता आहे.
मराठवाडयात १० जूनपर्यंत तूरळक ठिकाणी हलक्या ते मध्यम स्वरूपाच्या पावसाची शक्यता आहे. येत्या २४ तासात कमाल तापमानात फारशी तफावत जाणवनार नाही व त्यानंतर हळूहळू २ ते ३ अंश सेल्सिअसने वाढ होईल तर पुढील पाच दिवसात किमान तापमानात फारशी तफावत जाणवनार नाही.
पेरणीविषयी सूचना
* पावसाचे प्रमाण अजूनही मर्यादित आहे. त्यामुळे पेरणीची घाई करू नका.
* जमिनीत वापसा स्थिती असल्यास फक्त पूर्व मशागत पूर्ण करून घ्या.
* पेरणीस योग्य वेळेस सुरुवात करण्यासाठी पुढील काही दिवस हवामानावर लक्ष ठेवा.
पीक व्यवस्थापन
सोयाबीनसाठी योग्य वाणाची निवड करावी
अति लवकर येणारे वाण : परभणी सोना (MAUS-47)
लवकर येणारे वाण : MAUS-71
आंतरपीक पद्धती
कोरडवाहू क्षेत्रात सोयाबीन + तूर (2:1 किंवा 4:2) या पध्दतीने आंतरपीक घ्यावे.
ओलीत क्षेत्रात सोयाबीन + कापूस (1:1 किंवा 2:1) या पध्दतीने आंतरपीक घ्यावे.
खरीप ज्वारी आंतरपीक पर्याय
ज्वारी + सोयाबीन मध्ये (2:4 किंवा 3:6) आंतरपीक घ्यावे
ज्वारी + तूर मध्ये (3:3 किंवा 4:2) आंतरपीक घ्यावे
बाजरी आंतरपीक पर्याय
बाजरी + तूर मध्ये (2:1, 3:3 किंवा 4:2) आंतरपीक घ्यावे
कीड व रोग व्यवस्थापन:
ऊस पिकावर उपाय:
* पांढऱ्या माशी नियंत्रणासाठी क्लोरोपायरीफॉस २०% ३० मिली किंवा इमिडाक्लोप्रिड १७.८% @ ३ मिली १० लिटर पाण्यात मिसळून फवारणी करावी.
* खोड किड नियंत्रणासाठी क्लोरोपायरीफॉस २०% २५ मिली किंवा क्लोरॅट्रानोलीप्रोल १८.५% @ ४ मिली १० लिटर पाण्यात मिसळून फवारणी करावी.
* पावसाची उघडीप बघून फवारणी करावी.
फळबाग व्यवस्थापन
* संत्रा / मोसंबी : १x१x१ मीटर खड्डे करून कंपोस्ट + सुपर फॉस्फेट घालावे.
* डाळिंब : 'भगवा', 'फुले भगवा सुपर' जातींची निवड करावी.
* चिकू : 'कालीपत्ती', 'क्रिकेट बॉल' जातींची निवड करून खड्डे व्यवस्थित भरावेत.
* लागवडीसाठी शासकीय नोंदणीकृत रोपवाटीकेतूनच रोपांची खरेदी करावी.
* वादळी वाऱ्याचा धोका लक्षात घेऊन नव्याने लावलेली रोपे व झाडांना आधार द्यावा.
भाजीपाला आणि फुलशेती
* पाण्याची उपलब्धता असल्यास गादी वाफ्यावर बी टाकावे.
* वांगी, मिरची, टोमॅटो यांसारख्या पिकांची काढणी करावी.
* फुलपिकांची रोपे तयार करताना योग्य खतांचा वापर करावा.
पशुधन व्यवस्थापन
* पावसाळ्यापूर्वी जनावरांचे लसीकरण करावे.
* गोठे स्वच्छ व कोरडे ठेवावेत.
* वासरांना सातव्या दिवशी जंतनाशकाची मात्रा द्यावी.
(सौजन्‍य : मुख्य प्रकल्प समन्वयक, ग्रामीण कृषी मौसम सेवा, वसंतराव नाईक मराठवाडा कृषी विद्यापीठ, परभणी)