ढगाळ हवामानात रब्बी पिके, फळपिके तसेच भाजीपाला पिकांसाठी सामान्य कृषी सल्ला 

Agriculture News : नाशिक जिल्ह्यात हवामान कोरडे राहील. या काळात पिकांसाठी सामान्य कृषी सल्ला देण्यात आला आहे. 

Agriculture News :    पुढील पाच दिवसाचा अंदाज लक्षात घेता नाशिक जिल्ह्यात हवामान कोरडे राहील. आकाश पुढील पाच दिवस अंशतः ढगाळ राहील. तसेच कमाल तापमान २८-३० डिग्री सें. व किमान तापमान १२-१५ डिग्री सें. दरम्यान राहण्याची शक्यता आहे. या काळात पिकांची काळजी कशी घ्यावी यासाठी सामान्य कृषी सल्ला देण्यात आला आहे. 

ढगाळ हवामानात सामान्य कृषी सल्ला 

• नवीन फळझाडांचे रोपे सरकंदा / पेंढा/ पॉलिथिन शीट / बारीक पिशव्याने झाकून ठेवा.
• कोबीवर्गीय पिकांचे गड्डे तयार झाले असल्यास काढणी करावी.
• वाटाणा पिकाची काढणी वेळेवर करावी जेणेकरून त्याची गोडी कमी होणार नाही.
• कीड व रोगाचा प्रादुर्भाव दिसून आल्यास तज्ञांच्या सल्ल्यानुसार योग्य ते उपाय करावेत.
• उन्हाळी टोमॅटो, मिरची व वांगी लागवडीसाठी रोपवाटिका तयार करावी.
• उन्हाळी टोमॅटो, मिरची व वांगी लागवडीसाठी रान तयार करावे.
• भाजीपाला पिकांमध्ये ठिबक सिंचनाचा वापर करावा. त्याचप्रमाणे प्लास्टिक आच्छादनाचा वापर करावा.
• ठिबक सिंचनाचा वापर करतांना संपूर्ण खत मात्रा पिकाचा कालावधी विचारात घेऊन आठवड्याच्या अंतराने ठीबकद्वारे द्यावे.
• लसीची रोगप्रतिकारशक्ती एक वर्षापर्यंत जनावरांच्या शरीरामध्ये राहते. म्हणून मेंढ्यांकरिता शीप पॉक्स व शेळयांकरिता गोट पॉक्स आजाराकरिता तीन महिन्यांवरील सर्व शेळ्या, मेंढ्यांना डिसेंबर-जानेवारी महिन्यात दरवर्षी न चुकता पशुवैद्यकाच्या सल्ल्याने लसीकरण करावे.

- ग्रामीण कृषी मौसम सेवा आणि विभागीय संशोधन केंद्र, इगतपुरी