अतिवृष्टीमुळे कांदा आणि टोमॅटो पिकामध्ये करावयाच्या उपाययोजना, वाचा सविस्तर

अतिवृष्टी झाल्यानंतर खरीप पिकामध्ये रोग व किडींचा प्रादुर्भाव मोठ्या प्रमाणात होण्याची शक्यता आहे. कारण ओलसर वातावरणामुळे बुरशीजन्य रोग व रसशोषक किडींचा प्रादुर्भाव वाढतो त्यसाठी पिकानुसार खालील उपाय करावेत.

अतिवृष्टी झाल्यानंतर पिकामध्ये करावयाच्या उपाययोजना

कांदा -

रोप वाटिकेतील मर रोग नियंत्रणासाठी रोपवाटिकेच्या मातीमध्ये ट्रायकोडर्मा कल्चर २.५ किग्रॅ शेणखत १०० किग्रॅ एकत्र मिसळून वापरावे.
जांभळा करपा रोगाच्या नियंत्रणासाठी कार्बेन्डाझिम १ ग्रॅम प्रति लिटर किवा बेनलेट १ ग्रॅम प्रति लिटर पाण्यात मिसळून फवारणी करावी.
त्यानंतर डिथेन Z-78 २ ग्रॅम प्रति लिटर पाण्यात मिसळून स्टिकर सह फवारणी करावी.
काळा कर्जा (पीळ रोग) रोगाच्या डायफेनोकॉनाझोल २५% ईसी १० मि.ली. १० लिटर पाणी किंवा टेबुकोनाझोल २५.९ टक्के ईसी किंवा अझोक्सीस्ट्रोबिन १८.२ टक्के + डायफेनोकॉनाझोल ११.४% एससी १० मि.ली./१० लिटर पाणी फवारणीस वापरावे.
फवारणी दर १० ते १५ दिवसांच्या अंतराने करून, २ ते ३ वेळा आळीपाळीने करावी.
फुल किडीच्या नियंत्रणासाठी फिप्रोनिल 5% SC १ मि.ली. लि. पाणी किवा स्पिनोसायड 45% SC 0.3 मि.ली. लि. पाणी किवा इमिडाक्लोप्रिड 17.8 टक्के SL 0.3 मि.ली. लि. पाणी किंवा लॅम्ब्डा सायहॅलोथ्रिन 5% EC 0.5 मि.ली./लि. पाणी प्रमाण घेऊन आलटून पालटून फवारणी करावी.

टोमॅटो -

अतिवृष्टीमुळे उशीरा येणारा करपा (Late blight), पानगळ, मुळ कुजणे यांचा प्रादुर्भाव वाढतो.
नियंत्रणासाठी मॅन्कोझेब ७५ टक्के WP २५ ग्रॅम / १० लिटर पाणी किंवा अझोक्सीस्ट्रोबिन डिफेनोकोनॅझोल SC १० मि.ली./१० लि. पाणी घेऊन फवारणी करावी.
रोगग्रस्त पाने किंवा झाडे लगेच काढून नष्ट करावीत
पाणी साचल्यास पांढरी माशी, तुडतुडे, फळकिडी यांचा प्रादुर्भाव वाढतो.
नियंत्रणासाठी स्पिनोसायड 45 टक्के SC ३ मि.ली./१० लि. पाणी किंवा इमिडाक्लोप्रिड 17.8% SL 0.5 मि.ली. लि. पाणी घेऊन फवारणी करावी.

- विशाल चौधरी, विषय विशेषज्ञ, पिकसंरक्षण
कृषि विज्ञान केंद्र, मालेगाव

Web Title : भारी बारिश: प्याज और टमाटर की फसलों के लिए उपाय, विस्तृत गाइड

Web Summary : भारी बारिश से प्याज और टमाटर की फसलों में रोग का खतरा बढ़ जाता है। मुख्य उपायों में ट्राइकोडर्मा, कार्बेन्डाजिम और मैनकोजेब का उपयोग शामिल है। फिप्रोनिल और स्पाइनोसैड से कीटों को नियंत्रित करें। संक्रमित पौधों को तुरंत हटा दें। स्वस्थ फसलों के लिए विशेषज्ञ की सलाह का पालन करें।

Web Title : Heavy Rain: Measures for Onion and Tomato Crops, Detailed Guide

Web Summary : Heavy rains increase disease risk in onion and tomato crops. Key measures include using Trichoderma, Carbendazim, and Mancozeb. Control pests with Fipronil and Spinosad. Remove infected plants promptly. Follow expert advice for healthy crops.

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.