पावसामुळे टोमॅटोचे दर वधारले पण नुकसानीमुळे हातचे पीक देखील डोळ्यादेखत संपले

Tomato Market Rate : गेल्या काही दिवसांपासून महाराष्ट्रात सुरू असलेल्या मुसळधार पावसामुळे शेतीमालाचे मोठ्या प्रमाणावर नुकसान झाले आहे, याचा थेट परिणाम भाजीपाल्याच्या दरांवर दिसून येत आहे.

गेल्या काही दिवसांपासून महाराष्ट्रात सुरू असलेल्या मुसळधार पावसामुळे शेतीमालाचे मोठ्या प्रमाणावर नुकसान झाले आहे, याचा थेट परिणाम भाजीपाल्याच्या दरांवर दिसून येत आहे. विशेषतः टोमॅटोच्या किमतीत प्रचंड वाढ झाली असून, बुधवारी धुळे कृषी उत्पन्न बाजार समितीमध्ये २० किलो टोमॅटोचा कॅरेट ७५० ते ८०० रुपयांना विकला गेला. 

सातत्याने पडणाऱ्या पावसामुळे शेतातील पिकांचे मोठे नुकसान झाले आहे. अनेक भाजीपाला ठिकाणी बाजारात येण्यापूर्वीच खराब होत असल्याने आवक लक्षणीय घटली आहे. मागणीच्या तुलनेत पुरवठा कमी झाल्याने दरांमध्ये मोठी वाढ झाली आहे. सततच्या पावसामुळे भाजीचे उत्पादन वाढण्याची शक्यता नसल्याने आवाक घटत असल्याने भाजीचे भाव कमी होण्याऐवजी पुढील काही दिवसात आणखी वाढण्याची शक्यता आहे.

टोमॅटोसोबतच कांदा, बटाटा, कोथिंबीर, वांगी, मिरची यांसारख्या इतर भाजीपाल्यांच्या दरातही झपाट्याने वाढ झाल्याचे दिसून येत आहे. दुसरीकडे दर मिळत आहे मात्र हाती काहीच नाही अशी शेतकऱ्यांची अवस्था झाली आहे कारण पावसामुळे पिकांचे नुकसान झाल्यामुळे शेतकरीवर्गही अडचणीत सापडला आहे. 

कृषी पणन मंडळाच्या अधिकृत माहितीनुसार राज्यातील टोमॅटो आवक व दर 

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
10/07/2025
कोल्हापूर	---	क्विंटल	224	1000	2500	1800
छत्रपती संभाजीनगर	---	क्विंटल	80	2500	3000	2750
चंद्रपूर - गंजवड	---	क्विंटल	585	1200	2000	1600
राहूरी	---	क्विंटल	12	500	1000	750
खेड-चाकण	---	क्विंटल	292	1500	2500	2000
श्रीरामपूर	---	क्विंटल	23	1000	1500	1250
सातारा	---	क्विंटल	73	1000	2000	1500
राहता	---	क्विंटल	40	500	3000	1700
कल्याण	हायब्रीड	क्विंटल	3	2000	2500	2250
कळमेश्वर	हायब्रीड	क्विंटल	13	3010	3500	3320
अकलुज	लोकल	क्विंटल	18	1000	2000	1500
पुणे- खडकी	लोकल	क्विंटल	9	1000	1700	1350
पुणे -पिंपरी	लोकल	क्विंटल	10	2000	2000	2000
पुणे-मोशी	लोकल	क्विंटल	543	1500	2000	1750
नागपूर	लोकल	क्विंटल	750	3000	3500	3350
वाई	लोकल	क्विंटल	10	1000	2500	1750
कामठी	लोकल	क्विंटल	10	2500	3500	3000
हिंगणा	लोकल	क्विंटल	25	3500	4000	3627
पनवेल	नं. १	क्विंटल	735	3500	4000	3750
मुंबई	नं. १	क्विंटल	1635	2400	3000	2700
रत्नागिरी	नं. १	क्विंटल	48	2000	2500	2300
सोलापूर	वैशाली	क्विंटल	351	300	2000	1000
नागपूर	वैशाली	क्विंटल	600	3000	3500	3350
भुसावळ	वैशाली	क्विंटल	28	2000	2500	2200

आवक घटल्याने दरात वाढ

सध्या बाजारात टोमॅटोची आवक अत्यंत कमी आहे आणि मागणी जास्त असल्यामुळे दर गगनाला भिडले आहेत. येत्या काही दिवसांतही हे दर वाढण्याची शक्यता आहे. - हरीष माळी, अडत दुकानदार, कृषी उत्पन्न बाजारी समिती, धुळे.

हेही वाचा : जांभूळ शेतीतून लाखोंची लॉटरी; दलदलमय जमिनीवर दत्तात्रय यांचा बहाडोली जांभूळ शेतीचा यशस्वी प्रयोग