शेतमाल बाजारात करडईला मिळतोय उच्चांकी दर; सोयाबीन बाजार मात्र स्थिर

राज्यातील सोयाबीनचे दर सध्या स्थिर आहेत, तर करडईला चांगला दर मिळतोय. सोयाबीनचा किमान दर ४ हजार ३२४, कमाल दर ४ हजार ६२० रुपये तर सर्वसाधारण दर साडेचार हजार रुपये प्रति क्विंटल एवढा आहे.

लातूर कृषी उत्पन्न बाजार समितीमध्ये सोमवारी सोयाबीनची १८ हजार क्विंटल एवढी आवक झाली. सोयाबीनचे दर स्थिर आहेत, तर तूर आणि करडईला चांगला दर मिळाला.

सोमवारी सोयाबीनची आवक १८ हजार १९६ क्विंटल इतकी झाली. सोयाबीनचा किमान दर ४ हजार ३२४, कमाल दर ४ हजार ६२० रुपये तर सर्वसाधारण दर साडेचार हजार रुपये प्रति क्विंटल एवढा होता.

तुरीचा कमाल दर ६ हजार ७९१ रुपये प्रति क्विंटल मिळाला, तर सर्वसाधारण दर ६ हजार ६०० रुपये नोंदवला गेला. तुरीची आवक ५९० क्विंटल झाली. हरभऱ्याला देखील ५ हजार ३०० चा कमाल दर मिळाला, तर सर्वसाधारण दर ४ हजार ८०० रुपये राहिला. त्याची आवक ६५८ क्विंटल नोंदवली गेली.

आवक कमी, दर जास्त

करडईची केवळ ३५ क्विंटल एवढी आवक झाल्याने करडईला कमाल दर ९ हजार ३७० रुपये तर किमान दर ६ हजार ३०० रुपये एवढा होता. गव्हाची आवक १५३ क्विंटल झाली, तर सर्वसाधारण दर ३ हजार ५०० रुपये प्रति क्विंटल होता.

पिवळ्या ज्वारीचा सर्वसाधारण दर ४ हजार ४०० रुपये तर रब्बी ज्वारीचा दर ३ हजार ३०० रुपये एवढा होता. गुळाचा सर्वसाधारण दर ३ हजार ६०० रुपये एवढा होता.

कृषि पणन मंडळाच्या अधिकृत माहितीनुसार राज्यातील करडई आवक व दर

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
08/12/2025
औराद शहाजानी	नं. १	क्विंटल	8	6450	7100	6775
लातूर	सफेद	क्विंटल	35	6300	9370	9000
06/12/2025
मुरुम	सफेद	क्विंटल	1	6000	6000	6000

हेही वाचा : उत्तम आरोग्यासाठी साखर खाणं हानिकारकच, पण गूळ किती चांगला? जाणून घ्या सविस्तर