हमीभावापेक्षा कमी दरात शेतमाल खरेदी करणाऱ्या व्यापाऱ्यांवर कायदेशीर कारवाई करणार असल्याचा इशारा नेवासा कृषी उत्पन्न बाजार समितीचे सभापती नंदकुमार पाटील यांनी दिला आहे.
चालू वर्षीपासून केंद्र सरकारने गव्हाचा हमीभाव २ हजार ५८५ रुपये प्रतिक्विंटल आणि हरभऱ्याचा भाव ५ हजार ८७५ रुपये प्रतिक्विंटल असा दर जाहीर केला आहे.
असे असताना काही व्यापारी आवक जास्त आहे, मालाची प्रत खराब आहे, अशी कारणे सांगून गहू अवघ्या १८०० ते २२०० रुपये भावाने खरेदी करत आहेत.
अनेक संकटांना तोंड देऊन शेतकरी आपला शेतमाल पिकवीत आहेत. काही व्यापाऱ्यांकडून हरभऱ्याचे भाव देखील पाडले जात असल्याच्या तक्रारी शेतकरी बांधवांनी आमच्याकडे केलेल्या आहेत.
वास्तविक हमीभावापेक्षा कमी किमतीत शेतमाल खरेदी करणे हा कायद्याने गुन्हा आहे. मुळातच हमीभाव काढताना केंद्र शासनाने चुकीच्या पद्धतीने उत्पादन खर्च धरलेला आहे.
विद्यापीठाने आणि राज्य सरकारने केंद्राला कळविलेला उत्पादन खर्च आणि केंद्र सरकारकडून दिला जाणारा हमीभाव यामध्ये मोठी तफावत आढळून येत आहे.
उत्पादन खर्चच कमी दाखविला गेल्याने साहजिकच हमीभाव देखील पाडला जात असून, व्यापाऱ्यांनी शेतकऱ्यांचा शेतीमाल हा सरकारी हमीभावाने खरेदी करावा, जेणेकरून शेतकऱ्यांना आर्थिक मदतीचा हातभार लागू शकेल.
जर हमीभावापेक्षा कमी भावाने शेतीमाल खरेदी होत असल्यास किंवा करीत असल्यास नेवासा कृषी उत्पन्न बाजार समितीमार्फत कडक कारवाई करण्यात येईल, असा इशारा देऊन शेतकऱ्यांना योग्य भाव देऊन व्यापाऱ्यांनी सहकार्य करावे.
हमीभावापेक्षा कमी भावात शेतकऱ्यांनी शेतमाल विकू नये, असे आवाहन सभापती नंदकुमार पाटील यांनी केले आहे.
कृषी पणन महामंडळाच्या अधिकृत माहितीनुसार राज्यातील आजचे गहू व हरभरा दर
शेतमाल : हरभरा
| बाजार समिती | जात/प्रत | परिमाण | आवक | कमीत कमी दर | जास्तीत जास्त दर | सर्वसाधारण दर |
|---|---|---|---|---|---|---|
| 01/04/2026 | ||||||
| पुणे | --- | क्विंटल | 44 | 5900 | 6900 | 6400 |
| पैठण | --- | क्विंटल | 15 | 5000 | 5000 | 5000 |
| राजूरा | --- | क्विंटल | 193 | 5145 | 5180 | 5165 |
| अकोला | काबुली | क्विंटल | 29 | 5305 | 5305 | 5305 |
| तुळजापूर | काट्या | क्विंटल | 115 | 5201 | 5201 | 5201 |
| मुरुम | लाल | क्विंटल | 113 | 4900 | 5450 | 5130 |
| जळकोट | लाल | क्विंटल | 131 | 5355 | 5681 | 5571 |
| अकोला | लोकल | क्विंटल | 1326 | 5000 | 5535 | 5385 |
| नागपूर | लोकल | क्विंटल | 2137 | 4800 | 5400 | 5250 |
| अजनगाव सुर्जी | लोकल | क्विंटल | 100 | 4600 | 5250 | 5000 |
शेतमाल : गहू
| बाजार समिती | जात/प्रत | परिमाण | आवक | कमीत कमी दर | जास्तीत जास्त दर | सर्वसाधारण दर |
|---|---|---|---|---|---|---|
| 01/04/2026 | ||||||
| तुळजापूर | --- | क्विंटल | 135 | 2100 | 2200 | 2150 |
| नेवासा | २१८९ | क्विंटल | 50 | 2600 | 2600 | 2600 |
| पैठण | बन्सी | क्विंटल | 345 | 2100 | 2500 | 2300 |
| मुरुम | बन्सी | क्विंटल | 74 | 2075 | 3230 | 3230 |
| अकोला | लोकल | क्विंटल | 880 | 2150 | 2700 | 2655 |
| उल्हासनगर | लोकल | क्विंटल | 600 | 3200 | 3400 | 3300 |
| पुणे | शरबती | क्विंटल | 547 | 4000 | 4700 | 4350 |
अधिक वाचा: २०१७ च्या कर्जमाफीतील उर्वरित शेतकऱ्यांना ५०० कोटींचा निधी आला; कधी सुरु होणार वाटप?