नवी दिल्ली : बँकांमधील लिक्वीडिटी म्हणजेच रोख घटल्याने आणि कर्जाची वाढती मागणी यामुळे देशातील ८ बँकांनी गेल्या एका महिन्यात एफडीच्या व्याजदरात वाढ केली आहे. याचवेळी २०२४मध्ये पीएनबीसह चार बँकांनी कर्जे महाग केली आहेत. खासगी क्षेत्रातील आयसीआयसीआय बँकेने सर्वाधिक ०.१०% ने वाढ केली आहे. चारही बँकांचे नवे दर १ जानेवारीपासून लागू झाले आहेत, तर एफडीचे दर १.१०% वरून १.२५% पर्यंत वाढले आहेत. शेतकऱ्यांना गुंतवणूक करायची असेल किंवा कर्ज काढायचे असेल तर व्याजदर माहित असणे आवश्यक आहे.
कोणत्या बँकेचे कर्ज झाले महाग?
एस बँक १०.५%
आयसीआयसीआय ९.१०%
बँक ऑफ इंडिया ८.८०%
पीएनबी ८.७०%
अधिक वाचा: शेतकऱ्यांनो कर्ज मिळणार की नाही, हे नेमके कशावरून ठरते?
एफडीवर किती मिळतेय व्याज?
बँक ऑफ बडोदा ४.२५-७.२५%
एसबीआय ३.५०-७.१०%
बँक ऑफ इंडिया ५.२५-७.५०%
युनियन बँक ३.०-७.२५%
पीएनबी ३.५०-७.०%
कोटक महिंदा २.७५-७.२५%
फेडरल बँक ३.०-७.५०%
डीसीबी बँक ३.७५-८.०%
कोणत्या बँकेने गृहकर्ज स्वस्त केले?
बँक ऑफ महाराष्ट्रने गृहकर्जाच्या व्याजदरात ०.१५ टक्क्यांनी कपात करून ते ८.३५ टक्क्यांवर आणले आहेत.
कोणत्या बँकांनी वाढविला एफडीचा व्याजदर?
एसबीआय
बँकेने ७ ते ४५ दिवसांत मॅच्युअर होणाऱ्या एफडीवरील व्याजदरात ०.५% वाढ केली आहे. ४६ ते १७९ दिवसांच्या एफडीवर व्याजदर ०.२५% वाढले आहेत. १८० ते २१० दिवसांच्या एफडीच्या
व्याजदरात ०.२५% वाढ करण्यात आली आहे.
बँक ऑफ इंडिया
अल्प कालावधीसाठी एफडी दर वाढवले आहेत. ४६ ते ९० दिवसांच्या एफडीवर ५.२५%, ९१ ते १७९ दिवसांसाठी ६%, १८० ते २१० दिवसांसाठी ६.२५% आणि एका वर्षाच्या एफडीवर ७.२५% वार्षिक व्याज उपलब्ध आहे.
कोटक महिंद्रा
बँकेने ३ ते ४ वर्षाच्या मुदतीच्या एफडीचे दर ०.५०% ने वाढवून ६.५% वरून ७% पर्यंत वाढवले आहेत. त्याच वेळी, बँकेने ४ ते ५ वर्षाच्या कालावधीच्या एफडीचे दर ०.७५ टक्क्यांनी वाढवून ७ टक्क्यांवर नेले आहेत.