ऊस हार्वेस्टर मशीन खरेदीला 'हा' साखर कारखाना देतोय ३० लाख रुपयांचे बिनव्याजी कर्ज

पश्चिम महाराष्ट्रातील प्रमुख सहकारी साखर कारखान्यांपैकी एक असलेल्या भीमाशंकर सहकारी साखर कारखान्याने चालू गळीत हंगामात तब्बल १२ लाख टन ऊस गाळपाचे महत्त्वाकांक्षी उद्दिष्ट समोर ठेवले आहे.

भविष्यात हा कारखाना देशातील आघाडीचे साखर उत्पादन केंद्र म्हणून उदयास येईल, असा दृढ विश्वास माजी सहकारमंत्री व कारखान्याचे संस्थापक-संचालक दिलीप वळसे-पाटील यांनी व्यक्त केला.

वळसे-पाटील म्हणाले, शेतकऱ्यांनी ८६०३२ या उच्च उत्पादकतेच्या उसाच्या जातीची लागवड करावी. यामुळे एकरी १०० टनांपर्यंत ऊस उत्पादन शक्य होईल.

दिवाळीनिमित्त कामगारांना २० टक्के बोनस देण्याची घोषणाही वळसे पाटील यांनी केली, ज्यामुळे उपस्थितांमध्ये उत्साह संचारला.

कारखान्याचे चेअरमन बाळासाहेब बेंडे यांनी सांगितले की, गेल्या हंगामात इथेनॉल उत्पादन प्रकल्प कमी क्षमतेने कार्यरत असतानाही कारखाना तोट्यात नव्हता.

यंदा हा प्रकल्प पूर्ण क्षमतेने चालेल, ज्यामुळे कारखान्याच्या आर्थिक उत्पन्नात मोठी वाढ होईल. शेतकऱ्यांसाठी ही समाधानाची बाब आहे.

गेल्या हंगामात ११ लाख ८० हजार टन गाळप पूर्ण करून शेतकऱ्यांच्या खात्यात फळावर आधारित किंमत (एफआरपी) जमा केली होती. शेतकऱ्यांनी आधुनिक तंत्रज्ञानाचा अवलंब करून उत्पादनवाढीवर भर द्यावा, असे आवाहन बेंडे यांनी केले.

ऊसतोडणी मशीनला बिनव्याजी कर्जऊसतोडणी कामगारांच्या टंचाईमुळे भविष्यात हार्वेस्टर मशीनद्वारे तोडणी अपरिहार्य ठरणार आहे. यासाठी इच्छुक शेतकऱ्यांना पाच वर्षासाठी ३० लाख रुपयांचे बिनव्याजी कर्ज उपलब्ध करून देणार आहोत.

योजना आखल्या जाणारजिल्ह्यातील आंबेगाव तालुक्यातील हा कारखाना स्थानिक शेतकऱ्यांसाठी रोजगार व उत्पन्नाचा प्रमुख आधार आहे. चालू हंगामातील हे उद्दिष्ट साध्य झाल्यास कारखान्याची क्षमता वाढवण्याबाबत पुढील योजना आखल्या जाणार असल्याचे सांगितले जाते.

अधिक वाचा: साखर उद्योगासाठी यंदा ६५० कोटी लिटर इथेनॉलचा कोटा देण्याचा निणर्य; शेतकऱ्यांना कसा होणार फायदा?