PM Kisan Scheme : राज्यातील शेतकरी पीएम किसान सन्मान निधी योजनेच्या २२ व्या हप्त्याची वाट पाहत आहेत. आता लवकरच या हफ्त्याची प्रतीक्षा संपणार आहे.
तुम्हीही याची वाट पाहत असाल तर सर्वप्रथम तुमच्या गावातून कुणाकुणाला पीएम किसान योजनेचा लाभ मिळतो आहे, गावच्या यादीत तुमचे नाव कसे तपासायचे, हे समजून घेऊयात..
तुमच्या गावाची लाभार्थी यादी कशी तपासायची?
- सर्वात प्रथम पीएम किसानच्या pmkisan.gov.in या अधिकृत वेबसाईटवर भेट द्यावी.
- होमपेजवरील “लाभार्थी यादी” पर्यायावर क्लिक करा.
- आता तुमचे राज्य, जिल्हा, उपजिल्हा, ब्लॉक आणि गाव निवडा.
- सर्व माहिती भरल्यानंतर, “रिपोर्ट मिळवा” वर क्लिक करा.
- तुमच्या गावातील सर्व लाभार्थ्यांची संपूर्ण यादी स्क्रीनवर दिसेल.
लाखो शेतकऱ्यांची नावे का काढून टाकण्यात आली?
- एकाच कुटुंबातील पती-पत्नी दोघेही या योजनेचा लाभ घेत असले तरी, त्यांची नावे यादीतून काढून टाकता येतात.
- काही प्रकरणांमध्ये, हप्ते अल्पवयीन मुलांना जात असल्याचे आढळून आले.
- असे शेतकरी देखील होते ज्यांनी त्यांचे ई-केवायसी पूर्ण केले नव्हते.
- बऱ्याच प्रकरणांमध्ये, शेतकरी नोंदणी अद्यतनित केली गेली नव्हती, ज्यामुळे मोठ्या संख्येने शेतकऱ्यांची नावे यादीतून वगळण्यात आली.