सर्व किरकोळ रासायनिक खत विक्रेत्यांना सूचित करण्यात येते की, अनुदानित रासायनिक खतांची विक्री ही ई-पॉस (e-PoS) प्रणालीच्या माध्यमातून करणे बंधनकारक आहे.
खत विक्रीच्या नोंदी या तात्काळ आणि अचूक पद्धतीने प्रणालीमध्ये समाविष्ट होणे आवश्यक आहे. यासाठी खालील बाबतीत कार्यवाही करण्यात यावी.
ई-पॉस (e-PoS) स्टॉक व प्रत्यक्ष साठा समान असणे
◼️ विक्रेत्यांच्या e-PoS प्रणालीवरील खत साठा व प्रत्यक्ष गोडाऊनमधील साठा यामध्ये कोणतीही तफावत असू नये.
◼️ यासाठी रासायनिक खतांच्या विक्रीची नोंद iFMS प्रणालीमध्ये तत्क्षणी (Real Time) घेणे बंधनकारक आहे.
◼️ याबाबात नियमित तपासणी करणेसाठी क्षेत्रीय स्तरावरील खत निरीक्षकांना निर्देश देण्यात आले आहेत.
◼️ ज्या विक्रेत्यांकडे e-PoS वरील खत साठा व प्रत्यक्ष साठा यामध्ये फरक आढळेल, अशा विक्रेत्यांचे परवान्यांवर नियामोचीत कारवाई करण्याच्या सूचना परवाना अधिकारी यांना देण्यात आल्या आहेत.
नवीन L1 security e-PoS मशीन बाबत
ज्या विक्रेत्यांनी अद्याप नवीन L1 security e-PoS मशीन प्राप्त केलेले नाहीत त्यांनी संबंधित जिल्ह्यातील कृषी विकास अधिकारी (जिल्हा परिषद) यांच्या कार्यालयाशी तात्काळ संपर्क साधून दि. १० ऑगस्ट २०२५ पूर्वी e-PoS मशीन प्राप्त करून कार्यान्वित करून घ्यावे.
अधिक वाचा: सर्व कृषी अधिकाऱ्यांचे गुणवत्ता नियंत्रण अधिकार काढले; आता सगळी जबाबदारी 'या' अधिकाऱ्याकडे