PF Withdrawal : नोकरी बदलणे, करिअरमध्ये ब्रेक घेणे किंवा स्वतःचा व्यवसाय सुरू करणे, अशा कारणांसाठी अनेक तरुण कर्मचारी आपला भविष्य निर्वाह निधी (ईपीएफ) लगेच काढून घेतात. मात्र, तज्ज्ञांच्या मते, ही एक मोठी आर्थिक चूक ठरू शकते. पीएफचे पैसे काढण्याऐवजी ते तसेच ठेवल्यास चक्रवाढ व्याजाचा मोठा फायदा होऊ शकतो.
अनेकांचा असा समज असतो की, नोकरी सोडल्यानंतर पीएफवर व्याज मिळत नाही. परंतु, तुमचे वय ५८ वर्षे होईपर्यंत कर्मचारी भविष्य निधी संघटना (ईपीएफओ) तुमच्या खात्यावर नियमित व्याज जमा करते. जर तुम्ही वयाच्या ५८ व्या वर्षी नोकरी सोडली, तर त्यानंतर पुढील ३ वर्षापर्यंत व्याज मिळते.
चुका टाळा, रेकॉर्ड तपासा
- एक्झिट डेट : कंपनीने तुमची नोकरी सोडल्याची तारीख (डेट ऑफ एक्झिट) पोर्टलवर अपडेट केली आहे का, हे तपासा.
- केवायसी अपडेट : पॅन, आधार बँक तपशील अद्यायावत ठेवा. त्यामुळे दावा करताना अडचण येणार नाही.
- व्याज जमा झाले का : दरवर्षी जाहीर होणारे व्याज खात्यात जमा होत असल्याची खात्री करा.
- कधी काढता येतील पैसे : वैद्यकीय आणीबाणी, घर खरेदी किंवा मुलांचे शिक्षण यांसारख्या कारणांसाठी पीएफमधून अंशतः पैसे काढण्याची परवानगी आहे.