ऋतू बदलला की बाजारात विविध प्रकारच्या फळांची चव चाखायला मिळते. उन्हाळा सुरु झाला की आपल्याला बाजारात पपई पाहायला मिळते. बाजारात फळं पाहिली की पिवळी, चमकदार पपई लगेच डोळ्यात भरते.(Papaya ripening) पण दिसायला सुंदर असणारी पपई नेहमीच गोड किंवा चांगली असेल असे नाही. अनेकदा पपई कापताना आधी ती सोला, मग मधल्या चिवट बिया काढा, त्यात हात चिकट होतात आणि पपईचा रस सगळीकडे पसरतो. अनेकदा तर बिया काढण्याच्या नादात पपईचा बराचसा गर वाया जातो. पण जर आपल्याला पपई सोलायची गरज पडली नाही आणि बिया काढण्यासाठी चमच्याचा वापरही करावा लागला नाही तर?
कोबीच्या पानांची भाजी नाही भजी करा, चमचमीत- कुरकुरीत पदार्थ; मिरची भजीपेक्षा भारी चव, पाहा रेसिपी
सध्या इंटरनेटवर असाच एक व्हिडीओ तुफान व्हायरल होत आहे. ज्यामध्ये फक्त एक साधा चाकू आणि स्टीलचा गोल डबा वापरून पपईचे काप अगदी काही सेकंदात काढले जातील. या पद्धतीत पपई कापल्यास बिया काढण्यासाठी वेगळी मेहनत घ्यावी लागणार नाही आणि पपईचा आकारही अगदी परफेक्ट येईल. ही ट्रिक पाहिल्यानंतर आपण जुन्या पद्धतीने पपई कापणे कायमचे विसरून जाल. जाणून घेऊया नक्की काय आहे ही भन्नाट पद्धत आणि ती कशी काम करते.
सगळ्यात आधी आपल्याला पपई चाकूने गोलाकारात कापावी लागेल. पपई खूप मोठी असेल तर तिचे सहा तुकडे करु शकता. किंवा त्याचे चार तुकडे पुरेसे असतात. पपई वर्तुळाकार कापल्यानंतर, गोल डबा घ्या आणि तो पपईच्या वर ठेवा आणि खाली दाबा. यामुळे सगळ्यात आधी पपई त्याच्या सालीपासून वेगळी होईल.
यानंतर बिया त्यातून सहज बाहेर येतील. आपल्याला हवं असल्यास आपण पूर्ण गोल पपई खाऊ शकतो. पपई ही आरोग्यासाठी अत्यंत फायदेशीर आहे. पण ती कापण्याच्या कंटाळ्यामुळे अनेकजण पपई आणणे टाळतात. सध्या या व्हायरल ट्रिकमुळे आपलं काम सोपे होणार आहे. आजच्या धावपळीच्या काळात प्रत्येकाला 'स्मार्ट वर्क' आवडते.