सध्या लग्नसराईचे दिवस सुरू आहेत. त्यामुळे ज्यांच्या घरी लग्न आहे त्यांची वेगवेगळ्या साड्यांची खरेदी सुरू झालेली असणार. आता सिल्कची महागडी साडी आपण अशा निमित्तानेच घेतो. त्यामुळे साडी एकदा आवडली की मग हवा तेवढा पैसा खर्च करतो आणि ती साडी घेतो. पण नेमकी इथेच आपली फसवणूक होण्याची शक्यता असते. कारण हल्ली सिल्कच्या नावाखाली काहीही विकले जाते आणि ग्राहकांकडून भरमसाठ पैसे उकळले जातात (How to Identify Real Silk Saree and Fake Silk Saree?). म्हणूनच अस्सल सिल्कची पारख करायची असेल तर साडी खरेदी करताना पुढे सांगितलेल्या काही टिप्स लक्षात ठेवा.(4 tips to identify the difference between real silk saree and fake silk saree)
अस्सल सिल्कची साडी कशी ओळखायची?
१. तुम्हाला जी साडी घ्यायची आहे ती थोडी उकलून घ्या. त्यानंतर तिचा थोडासा भाग गोळा करून हातात घ्या आणि ३ सेकंदासाठी दाबून धरा. जर त्यानंतर त्या भागामध्ये बारीक सुरकुत्या दिसायला लागल्या तर ते खरे सिल्क आहे. इतर फॅब्रिकला लगेचच अशा बारीक सुरकुत्या दिसत नाहीत.
नव्या नवरीसाठी सुंदर स्टायलिश ८ जोडवी, कमी वजन पण दिसतात ठसठशीत, पाहा डिझाईन्स..
२. दुसरी महत्त्वाची गोष्ट म्हणजे सिल्कची साडी दोन्ही हातांनी पकडा. त्यानंतर त्या साडीचे दोन भाग एकमेकांवर घासा. ३ ते ५ सेकंद हे करा. असं केल्यानंतर जर घासलेल्या ठिकाणी साडी थोडी उबदार लागली तर ते अस्सल सिल्क आहे हे लक्षात येतं. जे नकली सिल्क असतं ते असं उबदार होत नाही.
हे देखील लक्षात ठेवा
१. सिल्कची साडी नेहमीच वजनाने हलकी असते. मुळात वजनाने हलकं असणं हेच सिल्क साड्यांचं पहिलं वैशिष्ट्य आहे. त्यामुळे साडी खरेदी करण्यापुर्वी तिचं वजनही तपासून पाहा.
सकाळी चहा पिण्याच्या आधी 'हे' प्या - भराभर वजन उतरून पोट -कंबर होईल सपाट
२. सिल्क साडीचा पदर मागच्या आणि पुढच्या बाजुने सारखाच दिसतो. पण ज्या साड्या नकली असतात त्या साड्यांच्या पदराच्या मागच्या भागात सगळे धागे दिसतात. आणि पुढच्या बाजुने तसेच मागच्या बाजुने पदराचा रंग वेगळा दिसतो.