1 / 7आपल्या स्वयंपाकघरात अनेक भांडी असतात, ज्यामध्ये आपण विविध प्रकारचे जेवण बनवतो. पण अनेकांच्या घरात आजही लोखंडाची कढई पाहायला मिळते. (Iron kadhai tips)2 / 7आजकाल बरेच लोक नॉन-स्टिक पॅन वापरतात कारण ते स्वच्छ करण्यास अधिक सोपे जाते. लोखंडी कढईत स्वयंपाक करण्याचे अनेक फायदे आहेत. जसे की पदार्थामध्ये लोहाचे प्रमाण वाढते, चव बदलते. पण अनेकदा पदार्थ बनवताना ते जळतात. अशावेळी शेफ पंकजांनी दिलेल्या या ४ टिप्स लक्षात ठेवा.(Iron cookware maintenance)3 / 7लोखंडी कढई गॅसवर ठेवा. ती मोठ्या आचेवर चांगली तापवून घ्या. कढई पूर्ण कोरडी होऊन धूर निघू लागेपर्यंत गरम करा. यामुळे कढईच्या पृष्ठभागावरील घाण आणि ओलावा निघून जातो. 4 / 7पॅन चांगला गरम झाल्यावर गॅस मंद आचेवर ठेवा. त्यात १ ते २ चमचे स्वयंपाकाचे तेल घाला. यात आपण मोहरीचे तेल, रिफाइंड तेल आणि वनस्पती तेल घालू शकतो. तेल घातल्यानंतर टिशू किंवा सुती कापडाच्या मदतीने परसवून घ्या. 5 / 7तेल पसरवल्यानंतर गॅस फास्ट करा आणि पुन्हा गरम होऊ द्या. यावेळी कढईमधून धूर येऊ लागेल. पुन्हा कढईत तेल घाला. यामुळे कढईला नॉनस्टिक सारखा थर तयार होईल. 6 / 7कढई थंड झाल्यानंतर टिशूने स्वच्छ पुसा. यामुळे जास्तीचे तेल निघून जाईल. त्यानंतर आपण लोखंडी कढईवर पदार्थ शिजवले तर चिकटण्याचा आणि जळण्याचा ताण राहणार नाही.7 / 7या पद्धतीला सिझनिंग असं म्हटलं जातं. यात लोखंडाच्या पृष्ठभागावर तेलाचा पातळ किंवा गुळगुळीत थर तयार करुन अन्नपदार्थ शिजवले जातात. ज्यामुळे पदार्थ चिकटत नाहीत.