जादूची कांडी फिरवल्यासारखं घर क्षणात होईल स्वच्छ - पाहा १ सोपी ट्रिक, गौरीगणपतीच्या स्वागतासाठी व्हा सज्ज

आता गौरी गणपतीचे दिवस जवळ आले आहेत. त्यामुळे घरोघरी स्वच्छतेची कामं सुरू आहेत. तुम्हालाही गौरी- गणपतीच्या आगमनापुर्वी घर अगदी स्वच्छ, चकाचक करायचं असेल तर हा उपाय नक्कीच तुमच्या उपयोगी येऊ शकतो.

हा उपाय करण्यासाठी एका भांड्यात ग्लासभर गरम पाणी घ्या. त्यामध्ये एका लिंबाचा रस घाला.

यानंतर त्यामध्ये १ इनोचं पाकिट आणि १ चमचा डिशवॉश लिव्हिड घाला. आता हे मिश्रण व्यवस्थित हलवून घ्या आणि एखाद्या स्प्रे बॉटलमध्ये भरून ठेवा.

तुम्हाला जी वस्तू स्वच्छ करायची आहे त्या वस्तूवर हे पाणी शिंपडा आणि एखाद्या मिनिटाने ती वस्तू घासून घ्या. अगदी लगेचच ती वस्तू स्वच्छ झाल्यासारखी दिसेल.

खिडक्यांच्या काचा, आरसे स्वच्छ करण्यासाठीही हे घरी तयार केलेलं लिक्विड खूप उपयोगी ठरतं.

किचन ओटा, गॅस शेगडी, गॅस शेगडीच्या मागच्या बाजुला असणाऱ्या टाईल्स यांच्यावरचा चिकटपणा कमी करण्यासाठीही हे लिक्विड खूप उत्तम आहे.

सिंक आणि बेसिन तसेच नळांवर पडलेले बोअरवेलच्या पाण्याचे पांढरट डाग स्वच्छ करण्यासाठीही या लिक्विडचा उपयोग होतो.